ინტერის ნახევარმცველმა დენზელ დუმფრისმა მილანურ კლუბში მომავალზე ისაუბრა.

მე მიყვარს ინტერი, წასვლის მიზეზი არ მაქვს. თუმცა, დღეს ფეხბურთი ძალიან დინამიურია მოთამაშეები მოდიან და მიდიან. ვნახოთ, რა იქნება მომავალში.

დენზელ დუმფრისი

დუმფრისი ინტერში 2021 წლის ზაფხულიდან ასპარეზობს. 27 წლის ჰოლანდიელს ინტერთან კონტრაქტი 2025 წლის 30 ივნისამდე აკავშირებს.

2022/23 წლების სეზონში დუმფრისმა ჩაატარა 51 მატჩი, გაიტანა 2 გოლი და 7 საგოლე გადაცემა გააკეთა.

The post დუმფრისი: “მე მიყვარს ინტერი, წასვლის მიზეზი არ მაქვს” appeared first on intermilano.ge.

ინტერის მცველმა დენზელ დუმფრისმა მანჩესტერ სიტის წინააღმდეგ ჩემპიონთა ლიგის ფინალის შედეგები (0:1) შეაჯამა.

რა თქმა უნდა, თუ ინტერში თამაშობ, ყოველთვის გამარჯვებისთვის თამაშობ. ვფიქრობ, ჩვენ შეგვიძლია თავი მაღლა ავწიოთ. ვამაყობ დღევანდელი მატჩით, სამწუხაროა, რომ ვერ მოვიგეთ. ეს ფინალია, ამიტომ ბოლო სასტვენამდე ყველაფერი გავაკეთეთ, არ გაგვიმართლა. ვამაყობ იმით, როგორ მოვემზადეთ ამ მატჩისთვის. ჩვენ ვერ მოვიგეთ, მაგრამ ყველაფერი გავაკეთეთ ჩემპიონობისთვის.

დენზელ დუმფრისი

The post დუმფრისი: “ვფიქრობ, ინტერის მოთამაშეებს შეუძლიათ თავი მაღლა ასწიონ” appeared first on intermilano.ge.

La Gazzetta dello Sport-ის ცნობით, ინტერი ზაფხულის თვეებში ფეხბურთელების მასობრივი გასვლისთვის ემზადება.

წყაროს ცნობით, თერთმეტი ფეხბურთელიდან რვა, ვინც კვირას იუვენტუსის წინააღმდეგ (0-1) გამოვიდა მოედანზე, 30 წელზე მეტის იყო და გუნდის გაახანგაზრდავება ახლა კლუბისთვის მთავარ პრიორიტეტად ითვლება.

თერთმეტი ფეხბურთელიდან, რომლებიც მოედანზე გავიდნენ იუვენტუსის წინააღმდეგ, ექვსს კონტრაქტი ეწურება სეზონის ბოლოს. მათგან მხოლოდ ედინ ჯეკო და სტეფან დე ვრი შევიდნენ მოლაპარაკებებში კლუბთან ხელშეკრულების შესაძლო გახანგრძლივებაზე.

შედეგად, სიმეონე ინძაგის სასტარტო შემადგენლობის უმეტესობა დატოვებს ინტერს ამ სეზონში, იტალიიდან გავრცელებული ინფორმაციით. მარსელო ბროზოვიჩისთვის, დენზელ დუმფრისისთვის და ხოაკინ კორეასთვის კლუბი შეძლებს შედარებით სოლიდური თანხის შეგროვებას გეგმავს მათი გაყიდვის შემთხვევაში.

მანამდე გავრცელდა ინფორმაცია , რომ ინტერი ჩელსიდან არ იყიდის თავდამსხმელს რომელუ ლუკაკუს.

ინტერი სერია A-ში მესამე ადგილზეა 27 მატჩიდან 50 ქულით.

The post ინტერი ზაფხულის სატრანსფერო ფანჯარაში ფეხბურთელების უმეტესობის გაშვებას აპირებს appeared first on intermilano.ge.

Football Insider-ის ცნობით, მილანის ინტერსა და მანჩესტერ იუნაიტედს შეუძლიათ ფეხბურთელების გაცვლა. „წითელი ეშმაკები“ ჰოლანდიელი გარემარბის, დენზელ დუმფრისის შეძენით არიან დაინტერესებული.

გარიგების ფარგლებში მანკუნიელები მზად არიან შესთავაზონ ნერაძურებს თავიანთი მცველი ვიქტორ ლინდელოფი. “იუნაიტედის” მთავარი მწვრთნელი ერიკ ტენ ჰეგი დუმფრისით არის დაინტერესებული. თავის მხრივ, ინტერი არ არის წინააღმდეგი ლინდელოფით გაძლიერდეს. გაცვლა შეიძლება ორმხრივად მომგებიანი აღმოჩნდეს ორივე კლუბისთვის.

ამ სეზონში დუმფრისმა სერია A-ში 23 მატჩი ჩაატარა, გაიტანა გოლი და სამი საგოლე გადაცემა გააკეთა. ლინდელოფი პრემიერ ლიგის ცხრა მატჩში ითამაშა.

The post მანჩესტერ იუნაიტედსა და ინტერს შეუძლიათ მოთამაშეების გაცვლა appeared first on intermilano.ge.

ინტერისა და იტალიის ყოფილმა ფორვარდმა კრისტიან ვიერიმ თქვა, რომ ნერაძურის ამჟამინდელ შემადგენლობაში მას ექნება ყველა შანსი მოიგოს სერია A-ს საუკეთესო ბომბარდირი ყოველ სეზონში თუ რომმელუ ლუკაკუს ნაცვლად შეტევაში ითამაშებს, იუწყება TuttoMercatoWeb

საშინაო მატჩებში „ინტერი“ მუდმივად ქმნის ათ საგოლე შესაძლებლობას თამაშში და ზოგადად გუნდი ძალიან კარგად თამაშობს. არის დენზელ დუმფრისი, რომელიც კარგად მოქმედებს ფლანგზე. ასევე არის ფედერიკო დიმარკო, რომელსაც მშვენიერი ასისტის უნარი აქვს. არის ნიკოლო ბარელა – ზოგადად, არის საკმარისი ფეხბურთელები, რომლებსაც შეუძლიათ რომელუ ლუკაკუსთვის კარგი საგოლე მომენტების შექმნა. ვფიქრობ, ახლა ამ “ინტერში” რომ ვითამაშო, ყოველწლიურად ბომბარდირი გავხდებოდი.

კრისტიან ვიერი

The post ვიერი: “ვფიქრობ, ახლა ამ “ინტერში” რომ ვითამაშო, ყოველწლიურად ბომბარდირი გავხდებოდი” appeared first on intermilano.ge.

გუნდის მენეჯმენტი ოპტიმისტურად არის განწყობილი მომავლის მიმართ.

იტალიური ფეხბურთი ჩაძირულია კრიზისში: იდეოლოგიურად და ფინანსურად. ყოველი კლუბი კი პრობლემების საკუთარ ჭაობშია ჩაფლული. იუვენტუსი 15 ქულა დააკლეს ფულისა და კონტრაქტის გაყალბების გამო. მილანმა სკუდეტოს შემდეგ პროგრესი შეწყვიტა.

ინტერი ვალების გამო წლებია წელში ვერ გაიმართა. სიტუაციას კიდევ უფრო ამძიმებს სტივენ ჟანგის პირადი პრობლემები. ეს ყველაფერი უახლოეს მომავალში დიდ გავლენას მოახდენს კლუბის განვითარებაზე. რაც უბრალოდ აუცილებელია, თუ ინტერს სურს გააგრძელოს ტიტულების მოგება.

ამ დროისთვის, ინტერის მთლიანი დავალიანება 275 მილიონი ევროა. კლუბმა იანვარში 468 მილიონი დოლარის ობლიგაციები გამოუშვა ვალის ნაწილობრივ დასაფარად, მაგრამ ეს ნაბიჯი მაინც არ არის საკმარისი კრიზისიდან გამოსასვლელად. გარდა ამისა, ეს კატეგორიულად ეწინააღმდეგებოდა ჟანგის გეგმებს, რომელმაც მაშინვე განაცხადა ანტონიო კონტეს წასვლის შემდეგ: “ჩვენ არ ვაპირებთ ობლიგაციების გამოშვებას, ჩვენ გვირჩევნია ვიპოვოთ გამოსავალი ჩვენივე და კლუბისთვის უფრო უსაფრთხო გზით”.

ჟანგმა ვერ შეასრულა დაპირება !!

მეორე მხრივ, თავად ჟანგიც იტანჯება და ეს მართლაც გლობალური პრობლემაა ინტერისთვის. მას ამჟამად China Construction Bank Asia-ს 300 მილიონი დოლარის ვალი აქვს: 255 (სუფთა ვალი) + 45 (ვალი, ანუ მოსარჩელეების გარანტიის ვალი).

თუ ვსაუბრობთ ჟანგის დავების მიმდინარეობაზე ჩინურ ბანკთან, მაშინ ის ასეთია: 

• კრედიტორმა კომპანიამ სარჩელი ჯერ კიდევ 2021 წლის აგვისტოში შეიტანა. ანუ ახლა ვალი, თუ დანაშაული სრულად დადასტურდა, თითქმის 2 წელია მიმდინარეობს.

• ჟანგი ცდილობდა ამ თანხის გაპროტესტებას და თქვა, რომ ეს სიცრუეა, მაგრამ მას ფული არავისთვის მიუცია. მაგრამ ჯერ კიდევ ივლისში, ჰონგ კონგის უზენაესმა სასამართლომ უარყო საჩივარი და მხარი დაუჭირა China Construction Bank Asia-ს.

• ოქტომბერში მოსარჩელემ კვლავ 300 მილიონი დოლარი მოსთხოვა ჟანგს. შემდეგ ჟანგმა თქვა, რომ აპირებდა ბოლომდე იბრძოლოს ამ სასამართლო საქმეში.

პრესაში დაიწყო საუბარი ჟანგის სამთვიან პატიმრობაზე. ასეთი შემობრუნება შესაძლებელია, თუ პროკურატურა დაადგენს, რომ ჟანგს ჰქონდა საჭირო თანხა, მაგრამ მან უარი თქვა ვალის გადახდაზე.

საქმეს ართულებს ჩინეთსა და იტალიას შორის 2015 წლის შეთანხმება. ეს არის შეთანხმება სისხლის სამართლის საქმეებში ექსტრადიციისა და ურთიერთდახმარების შესახებ. ასე რომ, თუ ჟანგს მილანის ციხეში გაგზავნიან, შესაძლოა, ის მაშინვე ჩინეთს გადასცეს. ჯერჯერობით ციხე და რეალური ვადები ჯერ კიდევ შორსაა. სასამართლოს მოუწევს დაამტკიცოს ის ფაქტი, რომ ჟანგს აქვს ეს თანხები (300 მილიონი). პირველი შეხვედრა 8 მარტს არის დაგეგმილი და მილანში გაიმართება – მანამდე ძნელი სათქმელია, დაეკისრება თუ არა მას რაიმე სასჯელი გადასახადის დაგვიანებისთვის.

აქვს თუ არა ინტერს გამოსავალი ამ სიტუაციიდან? დიახ, არის, მაგრამ ეს მხოლოდ ახალი მფლობელების მოსვლაზეა დამოკიდებული. Zhang-მა და Suning Group-მა უკვე მისცეს მანდატი საერთაშორისო იურიდიულ ფირმას Latham and Watkins-ს ახალი მფლობელების მოძიებაში. ჯერჯერობით, ეს ძიება წარმატებული არ არის. ისინი ძირითადად აშშ-ში იმართება, სადაც ინტერის ამჟამინდელ მფლობელს ბევრი მეგობარი და ბიზნესპარტნიორი ჰყავს.

ინტერის რესტრუქტურიზაცია რამდენიმე ეტაპად მიმდინარეობს. პირველი ეტაპი ამ ზაფხულს დაიწყება.

გუნდის დატოვებენ:

• მილან შკრინიარი. აქ ყველაფერი გასაგებია, ყოფილმა კაპიტანმა კონტრაქტი არ გაახანგრძლივა და პსჟ-ში წავა.

• მარსელო ბროზოვიჩი. მის მიმართ დიდი ინტერესი არ არის, ხელფასი კი კბენს ინტერის რთულ ფინანსურ მდგომარეობას. გარდა ამისა, ბროზო შორს არის მისი საუკეთესო ფორმისგან ამ სეზონში, ამიტომ არის კითხვები, წარმატებული იქნება თუ არა მისი გაყიდვა. მაგრამ ხელმძღვანელობა მას ხელშეუხებელ მოთამაშედ აღარ თვლის.

• წამსვლელთა სიას ემატება ხოაკინ კორეა (10-20 მ), რომელიც სრულიად გამოუსადეგარია და დენზელ დუმფრისს (40-50 მ), რომელის მიმართ პრემიერ ლიგის გუნდები იჩნს დიდი ინტერესს.

რესტრუქტურიზაციის მეორე ეტაპი მწვრთნელის სავარაუდო შეცვლაა.

სიმონე ინძაგის პოზიცია ძალიან რყევადია და დიდწილად დამოკიდებულია სეზონის ბოლოს ჩემპიონთა ლიგის ზონაში მოხვედრაზე. მაგრამ იგივე GdS წერდა, რომ ინძაგისთან თანამშრომლობა შეიძლება დასრულდეს, თუ ხელმძღვანელობას ექნება შესაბამისი ჩანაცვლების ვარიანტი. ერთი თვის წინ ესპანური წყაროები მადრიდის ატლეტიკოდან დიეგო სიმეონეს წასვლაზე საუბრობდნენ – მან არაერთხელ უთქვამს, რომ ინტერში დაბრუნებაზე ოცნებობს. მაგრამ სიმეონემ უარყო ეს ჭორები და თქვა, რომ სურს კლუბთან კონტრაქტი ბოლომდე იმუშაოს. 

კიდევ ერთი ვარიანტია რობერტო დე ზერბი. მეთ ლოუ The Telegraph-იდან დაწერა, რომ დე ზერბიმ მიიპყრო ევროპის ზოგიერთი ტოპ კლუბის ყურადღება ბრაიტონში მუშაობით. ამ რიცხვში შედის ინტერიც. დე ძერბის ტრანსფერი ზაფხულში შეიძლება განხორციელდეს.

მესამე ეტაპი არის მფლობელების სავარაუდო შეცვლა. რამდენიმე იტალიური მედია უკვე წერდა: თუ ადრე ჟანგს ინტერის შენარჩუნება სურდა, ახლა, როცა მას მეტი პრობლემა აქვს, კლუბის სრულფასოვან გაყიდვაზე ფიქრობს. ინტერის გულშემატკივრებში ოპტიმიზმი არსებობს იმისა, რომ ახალი მენეჯერების მოსვლით კლუბში ფინანსური მდგომარეობა მკვეთრად შეიცვლება დადებითი მიმართულებით.

***

 ცვლილება ნორმალურია. ნებისმიერი კლუბი უნდა შეიცვალოს და გაუმჯობესდეს. მნიშვნელოვანია მხოლოდ ამ პროცესზე დაკვირვება და დარწმუნდეთ, რომ არაფერი გამოვა კონტროლიდან. ინტერიც იცვლება. ჩვენ გვაქვს პრობლემები, მაგრამ ჩვენ ვიგებთ თასებს და ამას კონკურენტებზე ხშირად ვაკეთებთ ბოლო დროს, რაც არ უნდა მოხდეს. იმედი ვიქონიოთ, რომ უახლოეს მომავალში დანარჩენ გუნდთან ერთად ინტერს ევროპული სტანდარტებით უმაღლეს დონეზე დავაბრუნებთ.

ბეპე მაროტა

ბეპე მაროტა გაბედული იყო თავის პროგნოზებში – მაგრამ ამ ინტერს ნამდვილად სჭირდება მონდომება და გამბედაობა სასიამოვნო ცვლილებებისთვის…

The post ინტერში დიდი ცვლილებები იგეგმება appeared first on intermilano.ge.

ესპანური გიგანტი “რეალი” დანი კარვახალის შემცვლელად “ინტერის” მცველის, დენზელ დუმფრისის შეძენას განიხილავს.

ამის შესახებ ესპანური გამოცემა Fichajes-ი იტყობინება, რომ რეალის მწვრთნელმა კარლო ანჩელოტიმ კლუბს ახალი მარჯვენა მცველის შეძენა სთხოვა და რომ დუმფრისი მათ სიაში იქნება.

PSV-ს ყოფილი მცველი არის არის ინტერიში დარჩნის რეალური კანდიდატი და საბარაუდოდ ის ზაფხულის სატრანსფერო ფანჯარაში გაიყიდება.

25 წლის ჰოლანდიელის მიმართ ინტერესი პრემიერ ლიგის რამდენიმე გუნდმა უკვე გამოიჩინა, მაგრამ მადრიდის “რეალი” შესაძლოა მზად იყოს შეუერთდეს ინგლისურ კლუბებს “ნერაძურის” ფლანგბეკის მოლაპარაკებებში, იტყობინება Fichajes-ი.

ესპანური გამოცემა იუწყება, რომ მწვრთნელი ანჩელოტი დაცვის მარჯვენა ფლანგის გაძლიერების აუცილებლობას ხედავს, რადგან კარვახალს საიმედოდ აღარ თვლის.

ესპანური მედიის ცნობით, მადრიდის “რეალი” მზად იქნება სცადოს დუმფრისის ესპანეთის დედაქალაქში ჩამოყვანა.

The post მადრიდის “რეალი” დენზელ დუმფრისს აკვირდება appeared first on intermilano.ge.

ლონდონის “ჩელსი” ჰოლანდიელი მცველის დენზელ დუმფრისის ტრანსფერის გარიგებაში მისი ფეხბურთელის ჩართვას შეეცდება. ამის შესახებ პორტალი Goal.com იტყობინება.

წყაროს ცნობით, ფულადი კომპენსაციის გარდა, მილანის გრანდს შეუძლია მცველი ტრევო ჩალობას უფლებები მიიღოს. მას შეუძლია ნერაძურის ბანაკში შეცვალოს სლოვაკი მილან შკრინიარი, რომელიც პსჟ-ში გადადის.

ჩალობამ ინგლისის პრემიერ ლიგაში მიმდინარე სეზონში 12 მატჩი ჩაატარა და სამი ყვითელი ბარათი მიიღო. 23 წლის ფეხბურთელის სატრანსფერო ღირებულება 22 მილიონ ევროდ არის შეფასებული. მისი კონტრაქტი “პენსიონერებთან” 2028 წლის ზაფხულამდეა ძალაში.

The post ჩელსიმ შესაძლოა დუმფრისის ტრანსფერში ინტერს თავისი ფეხბურთელი დაუთმოს appeared first on intermilano.ge.

CalcioMercato-ს ცნობით, ინტერმა იანვარში სცადა ბაიერნის მცველის, ბენჟამინ პავარდის შეძენა .

ნერაძურის ხელმძღვანელობამ გაითვალისწინა მილან შკრინიარის და დენზელ დუმფრისის გუნდიდან შესაძლო წასვლა ამ ზაფხულს, ამიტომაც გადაწყვეტილი ჰქონდათ ზამთარში ფრანგის შეძენა. თუმცა, ბაიერნმა 26 წლის ფეხბურთელის გაყიდვაზე უარი თქვა. ეს ინფორმაცია კლუბის სპორტულმა დირექტორმა ჰასან სალიჰამიჯიჩმა დაადასტურა.

პავარდის კონტრაქტი მიუნხენურ კლუბთან ძალაშია 2024 წლის ივნისის ბოლომდე. 2022/23 სეზონში პავარდმა ბაიერნის შემადგენლობაში 25 მატჩში 4 გოლი გაიტანა.

პორტალი Transfermarkt.com ფეხბურთელის ღირებულებას 35 მილიონ ევროდ აფასებს.

The post “ინტერმა” პავარდის ყიდვა იანვარში სცადა, მაგრამ ბაიერნმა უარი თქვა appeared first on intermilano.ge.

ინტერის მცველი დენზელ დუმფრისის აგენტი ინგლისში გაფრინდა, სადაც პრემიერლიგის რამდენიმე კლუბთან მოლაპარაკებას გამართავს, წერს ჟურნალისტი ნიკოლო შირა.

26 წლის ჰოლანდიელი ფეხბურთელის პრეტენდენტებს შორის არიან მანჩესტერ იუნაიტედი, ჩელსი და ტოტენჰემი. მილანური კლუბი მზადაა ფეხბურთელი 35-40 მილიონი ევროს სანაცვლოდ გაათავისუფლოს.

აღსანიშნავია, რომ “წითელ ეშმაკებს” მოლაპარაკებები უფრო დაწინაურებული აქვთ. თუმცა, ინტერს ფეხბურთელისთვის ოფიციალური შეთავაზება ჯერ არ მიუღია.

დუმფრისის კონტრაქტი ინტერთან 2025 წლის ზაფხულამდეა ძალაში. მიმდინარე სეზონში მან გუნდში 23 მატჩი ჩაატარა ყველა ტურნირზე, გაიტანა ორი გოლი და სამი საგოლე გადაცემა გააკეთა.

The post დუმფრისის აგენტი პრემიერ ლიგის კლუბებთან მოლაპარაკებებისთვის გაემგზავრა appeared first on intermilano.ge.