„ინტერმა“ მთავარ მწვრთნელად კრისტიან ჩივუს დანიშვნის შესახებ განაცხადა.

44 წლის რუმინელმა სპეციალისტმა კონტრაქტი 2027 წლის ზაფხულამდე გააფორმა.

„კრისტიან კივუ თავისი ისტორიის მესამე თავს „ნერაძურისთან“ ერთად იწყებს. ამას აკეთებს იმ ღირებულებებით, რომლებიც ყოველთვის ხელმძღვანელობდა მას: ერთგულება, თავგანწირვა და დაუღალავი შრომის ეთიკა“, – ნათქვამია მილანური კლუბის განცხადებაში.

კივუ „პარმაში“ 2025 წლის თებერვლიდან მუშაობდა. მისი ხელმძღვანელობით გუნდმა სერია A-ში 13 მატჩი ჩაატარა, 3 მოიგო, 7-ჯერ ფრედ ითამაშა და 3 წააგო. სპეციალისტი ასევე 2018 წლიდან 2024 წლამდე სხვადასხვა ასაკობრივი ჯგუფის „ინტერის“ გუნდებს წვრთნიდა.

2007 წლიდან 2014 წლამდე კივუ „ინტერში“ ფეხბურთელის რანგში თამაშობდა. მან გუნდში 169 მატჩი ჩაატარა, 3 გოლი გაიტანა და 8 საგოლე გადაცემა გააკეთა. „ინტერთან“ ერთად რუმინელი სამჯერ გახდა იტალიის ჩემპიონი, ორჯერ მოიგო იტალიის თასი და ერთხელ ჩემპიონთა ლიგა.

The post კრისტიან კივუ ინტერის ახალი მთავარი მწვრთნელია appeared first on intermilano.ge.

ინტერმა“ „დინამო ზაგრების“ ნახევარმცველ პეტარ სუჩიჩთან კონტრაქტი გააფორმა, იტყობინება „ნერაძურის“ პრესსამსახური.

21 წლის ხორვატთან ხელშეკრულება 2030 წლის ზაფხულამდეა გათვლილი. პორტალმა Transfermarkt-მა გარიგება 14 მილიონ ევროდ, პლუს ბონუსები შეაფასა, რაც, ინსაიდერ ფაბრიციო რომანოს თქმით, დამატებით 2.5 მილიონ ევროს შეადგენს.

2024/25 წლების სეზონში სუჩიჩმა 32 მატჩი ჩაატარა, 7 გოლი გაიტანა და 4 საგოლე გადაცემა გააკეთა.

The post პეტარ სუჩიჩი ინტერის ფეხბურთელია appeared first on intermilano.ge.

ინძაგიმ „ინტერის“ მთავარი მწვრთნელის თანამდებობა დატოვა. ის ახლო აღმოსავლეთში მიემგზავრება, სადაც სამ წელიწადში 75 მილიონ ევროს გამოიმუშავებს.

ჩემპიონთა ლიგის ფინალამდე ცოტა ხნით ადრე, იტალიელმა ჟურნალისტებმა გიჟური სიახლე გაავრცელეს. “ინძაგი მზადაა დატოვოს „ინტერი“ საუდის არაბეთიდან მიღებული გულუხვი შეთავაზების გამო.” 49 წლის სპეციალისტი ყველანაირად გაურბოდა ამ თემაზე კითხვებს მიუნხენში სასტარტო სასტვენამდე, ხოლო მარცხის შემდეგ ჭორები დადასტურდა – სიმონე სამშობლოს ტოვებს და „ალ-ჰილალის“ ხელმძღვანელობისთვის ემზადება.

კლუბისა და სიმონე ინძაგის გზები შორდება. ეს გადაწყვეტილება ორმხრივი შეთანხმებით მიიღეს. ინძაგის ეპოქა „ინტერში“ გულშემატკივრებს, ფეხბურთელებს, მენეჯერებსა და პერსონალს დიდი ვნებით, პროფესიონალიზმითა და თავდადებით დაამახსოვრდებათ.

როგორც ჩანს, იტალიელი ახალი კლუბის სათავეში პირველ მატჩს 18 ივნისს, აშშ-ში გასამართ კლუბების მსოფლიო ჩემპიონატზე, რეალ მადრიდის წინააღმდეგ ჩაატარებს.

სიმონემ „ინტერში“ შესანიშნავი სამუშაო გაწია და ანტონიო კონტეს წასვლის შემდეგ გუნდი გამოაცოცხლა. ოთხ წელიწადში მან სკუდეტოს, იტალიის ორი თასის და სამი სუპერთასის მოგება მოახერხა. შეიძლებოდა მეტიც ყოფილიყო: 2021/22 წლების სეზონში მათ პირველი ადგილი „მილანთან“ წააგეს, ძირითადად სათადარიგო მეკარე იონუტ რადუს შეცდომის გამო ბოლონიასთან. გასულ თვეში კი თასი კონტეს „ნაპოლისთან“ წააგეს, მხოლოდ ერთი ქულის ჩამორჩენით.

ინძაგის ხელმძღვანელობით, შავ-ლურჯებმა ბოლო სამი წლის განმავლობაში ორჯერ გავიდნენ ჩემპიონთა ლიგის ფინალში.

The post სიმონე ინძაგის ერა ინტერში დასრულდა appeared first on intermilano.ge.

ინტერის ფორვარდი ხოაკინ კორეა ბოტაფოგოს თავისუფალი აგენტის სტატუსით შეუერთდება, იუწყება Globo .

წყაროს ცნობით, 30 წლის არგენტინელმა ბრაზილიურ კლუბთან ორწლიანი კონტრაქტი გააფორმა.

კორეამ გასულ სეზონში „ინტერის“ რიგებში 22 მატჩში ორი გოლი გაიტანა და ოთხი საგოლე გადაცემა გააკეთა. ის მილანურ კლუბს 2022 წელს „ლაციოდან“ 27 მილიონი ევროს სანაცვლოდ გადავიდა.

The post ინტერის თავდამსხმელი კორეა ბოტაფოგოს შეუერთდება appeared first on intermilano.ge.

ინტერის მცველი ფედერიკო დიმარკო არ დათანხმდა კარიერის ინგლისის პრემიერ ლიგაში გაგრძელებას. Tuttosport-ის ცნობით, იტალიელი ფეხბურთელის მომსახურებით მანჩესტერ იუნაიტედი იყო დაინტერესებული, თუმცა არც თავად ფეხბურთელი და არც ინტერი არ აპირებს ინგლისელებთან მოლაპარაკებას.

ამგვარად, მანჩესტერ იუნაიტედი იძულებული იქნება სხვა ფეხბურთელთან მოლაპარაკებაზე გადაერთოს, მაგრამ ფედერიკო მათ სიაში პირველი იყო.

აღსანიშნავია, რომ არსენალს იტალიელის შეძენა ზაფხულში სურდა, მაგრამ მათაც უარი მიიღეს. 27 წლის დიმარკო “ინტერის” აღზრდილია, რომლის შემადგენლობაშიც მიმდინარე სეზონში 18 მატჩი ჩაატარა, სამი გოლი გაიტანა და 5 საგოლე გადაცემა გააკეთა.

The post დიმარკო მანჩესტერ იუნაიტედში გადასვლაზე უარს თქვა appeared first on intermilano.ge.

ინტერის ნახევარმცველმა ნიკოლო ბარელამ კლუბთან კონტრაქტი გაახანგრძლივა, იუწყება მილანელთა ოფიციალური საიტი.

27 წლის იტალიელის ახალი ხელშეკრულება 2029 წლის ზაფხულამდეა ძალაში.

ბარელა ინტერში 2019 წლიდან თამაშობს. გასულ სეზონში ნახევარმცველმა ყველა შეჯიბრში შავ-ლურჯთა შემადგენლობაში 48 მატჩი ჩაატარა, ორი გოლი გაიტანა და შვიდი საგოლე გადაცემა გააკეთა.

პორტალი Transfermarkt ფეხბურთელის ღირებულებას 80 მილიონ ევროდ აფასებს.

The post ბარელამ ინტერთან კონტრაქტი გაახანგრძლივა appeared first on intermilano.ge.

თავდამსხმელი ლაუტარო მარტინესი სრულად დათანხმდა ახალი კონტრაქტის პირობებს. “ინტერის” კაპიტანი კოპა ამერიკის შემდეგ კლუბის შტაბ-ბინაში მისვლისთანავე ახალ შრომით ხელშეკრულებას მოაწერს ხელს.

როგორც ავტორიტეტული ინსაიდერი ფაბრიციო რომანო სოციალურ ქსელში იუწყება, ლაუტაროს ახალი კონტრაქტი 2028/2029 წლების სეზონის ბოლომდე იქნება გათვლილი. არგენტინელი თავდამსხმელი წლიურად წმინდად 9 მილიონ ევროს გამოიმუშავებს.

მარტინესი “ინტერში” 2018 წლის ზაფხულიდან თამაშობს. მას შემდეგ თავდამსხმელმა 282 ოფიციალური მატჩი ჩაატარა, რომელშიც 129 გოლი გაიტანა და პარტნიორებს 43 საგოლე გადაცემა გაუკეთა.

The post ლაუტარო “ინტერთან” კონტრაქტს გაახანგრძლივებს – პირობები ცნობილია appeared first on intermilano.ge.

მილანის ინტერის მთავარი მწვრთნელი სიმონე ინძაგი კლუბთან ახალ კონტრაქტს მოაწერს ხელს. როგორც ადრე გავრცელდა ინფორმაცია, ნერაძურის ხელმძღვანელობა კმაყოფილია სპეციალისტის მუშაობით და მზად არის შესთავაზოს მას გაუმჯობესებული კონტრაქტის პირობები.

ჟურნალისტ ფაბრიციო ბიასინის განახლებული ინფორმაციის თანახმად, საბოლოო შეხვედრა ინძაგის ახალი ხელშეკრულების პირობების განსახილველად მომავალ კვირას არის დაგეგმილი – მხარეები, სავარაუდოდ, დახურავენ გარიგებას და ხელი ჩამოართმევენ ერთმანეთს.

იტალიელთან ხელშეკრულება 2027 წლის შუა რიცხვებამდე გაგრძელდება. გასულ სეზონში ინტერმა სიმონე ინძაგის ხელმძღვანელობით მოიგო სერია A და იტალიის სუპერთასი.

The post ინძაგი ინტერთან ახალ კონტრაქტს გააფორმებს appeared first on intermilano.ge.

ინტერის თავდამსხმელი ლაუტარო მარტინესი კლუბთან ახალ კონტრაქტზე მოლაპარაკებებს აწარმოებს.

ნერაძურის კაპიტანს ჯერ არ მოუწერია ხელი შემოთავაზებულ ხელშეკრულებაზე, მაგრამ, Sky Sport-ის ცნობით, ბოლო მოლაპარაკებებმა მხარეები წარმატებულ გარიგებასთან მიიყვანა. უკვე დიდი ხანია ცნობილია, რომ ფეხბურთელს ხელშეკრულების გახანგრძლივება სურს.

ინტერი 26 წლის თავდამსხმელს წელიწადში 8 მილიონი ევროს ხელფასს სთავაზობს, არგენტინელს კი დაახლოებით 10 მილიონი ევროს მიღება სურს, მაგრამ კომპრომისი ორივე მხრიდან მოსალოდნელია.

ლაუტარო მარტინესმა მიმდინარე სეზონში 38 მატჩში 26 გოლი გაიტანა და 5 საგოლე გადაცემა გააკეთა.

The post ინტერი და ლაუტარო ახალ კონტრაქტზე შეთანხმებასთან ახლოს არიან appeared first on intermilano.ge.

მილანის ინტერმა გუნდის მთავარი მეკარის პოსტზე კანდიდატების შერჩევა დაიწყო. 2025 წელს, როდესაც იან ზომერს კონტრაქტი ამოეწურება La Gazzetta dello Sport-ის ინფორმაციით, მას ბრაზილიელი მეკარე ბენტო ჩაანაცვლებს, რომლისთვისაც ატლეტიკო პარანაენსე 20 მილიონ ევროს ითხოვს.

ინტერ ბრაზილიელი კიპერის შეძენა მიმდინარე წლის ზაფხულში სურს. ნერაძური მასე მეორე მეკარედ მოიყვანს მომავალი სეზონისთვის ხოლო, 2025 წელს როდესაც შვეიცარიელი გუნდის დატოვებს, ბენტო მთავარი მეკარის როლს დაიკავებს.

ადრე გავრცელდა ინფორმაცია, რომ 24 წლის ბენტო ლონდონის ჩელსითაც არის დაინტერესებული, მაგრამ მეკარისთვის რბოლაში ფავორიტად მაინც მილანის ინტერი ითვლება.

The post 2025 წლის ზაფხულში იან ზომერს ბრაზილიელი კიპერი შეცვლის appeared first on intermilano.ge.