ინტერმა შკრინიარის შემცვლელი შეარჩია.

ფიორენტინას ცენტრალური მცველი ნიკოლა მილენკოვიჩი ინტერის სატრანსფერო სამიზნე გახდა.

ინსაიდერის ფაბრიციო რომანოს ცნობით, ნერაძური დაინტერესებულია 24 წლის სერბის შეძენით. გარდა ამისა, იგივე რომანოს ცნობით, ინტერმა დიდი ხანია მიაღწია ზეპირ შეთანხმებას მცველ გლეისონ ბრემერთან, მაგრამ ჯერ კიდევ არ არის შეთანხმებული ტრანსფერის პირობებზე ბრაზილიელის მფლობელ ტორინოსთან.

შეგახსენებთ, რომ ინტერის დაცვის ამჟამინდელი ლიდერი, მილან შკრინიარი პარი სენ-ჟერმენში გადასვლასთან ასოცირდება. ფრანგულ კლუბს ოფიციალური შეთავაზება ჯერ არ გაუკეთებია, თუმცა შკრინიარი ზაფხულის სატრანსფერო მიზნების სიაში უკვე შეიყვანა.