ინტერის კაპიტანმა ლაუტარო მარტინესმა ჩემპიონთა ლიგის მეოთხედფინალის ბაიერნთან საპასუხო მატჩის შემდეგ (2:2) კომენტარი გააკეთა.

“ეს თამაში დიდხანს გვემახსოვრება! “ინტერი” არასდროს ნებდება: ჩვენ გვაქვს ხასიათი, გული და თავი. გავუძელით, მაგრამ კიდევ ერთხელ ვაჩვენეთ, რომ დიდი რამის უნარი გვაქვს.

ნახევარფინალი ბარსელონასთან?

წინ სერიოზული დაპირისპირება გველის დიდ მეტოქესთან. ბარსელონას ჩემპიონთა ლიგაზე საამაყო ისტორია აქვს. მაგრამ ახლა შიდა ჩემპიონობაზე ვართ ორიენტირებული. მათზე ფიქრის დრო შემდეგ გვექნება“

ორი მატჩის საერთო ანგარიშით, ინტერი ჩემპიონთა ლიგის ნახევარფინალში გავიდა, სადაც ბარსელონას დაუპირისპირდება. პირველი მატჩი 29 აპრილს ესპანეთში, საპასუხო მატჩი კი 6 მაისს იტალიაში გაიმართება.

The post ლაუტარო: “ინტერი არასოდეს ნებდება: ჩვენ გვაქვს ხასიათი, გული და თავი” appeared first on intermilano.ge.

ინტერის თავდამსხმელმა ლაუტარო მარტინესმა მიმდინარე სეზონში “ნერაძურის” შემადგენლობაში გოლების ნაკლებობის შესახებ ისაუბრა. არგენტინელმა ყველა ტურნირზე 20 მატჩში ექვსი გოლი აქვს გატანილი.

მე ვარ თავდამსხმელი და ვცხოვრობ გოლებით. ბოლო თვეების განმავლობაში ვთამაშობდი საჯარიმო მოედნიდან უფრო შორს, რადგან მინდა დავეხმარო გუნდს წინსვლაში. ამას ვამატებ ჩემს სტილსდა თავს კარგად ვგრძნობ.

მარკუს ტურამი უფრო ცენტრფორვარდად თამაშობს და მოედანზე უფრო მაღლა დგას, ჩვენ ამას არ ვგეგმავდით, მაგრამ ეს მოედანზე სიტუაციის ჩვენებური გაგებით მოდის. გასულ წელს ის ხშირად ჩადიოდა უფრო ღრმად ან გვერდზე გადადიოდა, მაგრამ ახლა მისი ჯერია მეტი გოლი გაიტანოს.

მარკუს ტურამი

The post ლაუტარო მარტინესმა მისი გოლების რაოდენობის შემცირების მიზეზებზე ისაუბრა appeared first on intermilano.ge.

მილანის ინტერის თავდამსხმელმა ლაუტარო მარტინესმა გასული სეზონის აღიარება მიიღო.

ნერაძურის კაპიტანი 2023/2024 წლის Gran Gala del Calcio-ზე საუკეთესო მოთამაშედ დასახელდა. არგენტინელი გახდა ლიგის საუკეთესო ბომბარდირი 24 გოლით და დაეხმარა ინტერს მეოცე სკუდეტო მოეგო.

მიმდინარე სეზონში ლაუტარო მარტინესი ჯერ ისეთივე პროდუქტიული არ არის როგორც გასულ წელს. ხუთი გოლით ის იტალიის ჩემპიონატის ბომბარდირთა სიაში მხოლოდ მერვე ადგილს იკავებს.

The post ლაუტარო მარტინესი გასული სეზონის სერია A-ს საუკეთესო ფეხბურთელად დასახელდა appeared first on intermilano.ge.

სრული საპატიო სია:

2003: რობერტო ბაჯო (ბრეშა)
2004: პაველ ნედვედი (იუვენტუსი)
2005: ანდრეი შევჩენკო (მილანი)
2006: რონალდო (მადრიდის რეალი)
2007: ალესანდრო დელ პიერო (იუვენტუსი)
2008: რობერტო კარლოსი (ფენერბახჩე)
2009: რონალდინიო (მილანი)
2010: ფრანჩესკო ტოტი (რომა)
2011: რაიან გიგსი (მანჩესტერ იუნაიტედი)
2012: ზლატან იბრაჰიმოვიჩი (პარი სენ-ჟერმენი)
2013: დიდიე დროგბა (გალათასარაი)
2014: ანდრეს ინიესტა (ბარსელონა)
2015: სამუელ ეტოო (ანტალიასპორი)
2016: ჯანლუიჯი ბუფონი (იუვენტუსი)
2017: იკერ კასილიასი (პორტო)
2018: ედინსონ კავანი (პარი სენ-ჟერმენი)
2019: ლუკა მოდრიჩი (მადრიდის რეალი)
2020: კრიშტიანუ რონალდო (იუვენტუსი)
2021: მოჰამედ სალაჰი (ლივერპული)
2022: რობერტ ლევანდოვსკი (ბარსელონა)
2023: არ გათამაშდა.

Golden Foot შეიქმნა 2003 წელს ანტონიო კალიენდომ, ეს არის საერთაშორისო ჯილდო, რომელიც ყოველწლიურად ენიჭება ფეხბურთელს, რომელიც გამოირჩეოდა როგორც სპორტული თვისებებით, ასევე პიროვნებით.

ის თავის მხრივ უნიკალურია, რადგან, გარდა სპორტული დამსახურებისა, ის ასევე ითვალისწინებს მოთამაშის საერთო კარიერას და ქარიზმას.

ოქროს ფეხის თავისებურება ის არის, რომ გამარჯვებული ტოვებს ფეხის კვალს მონაკოს სამთავროში, მონტე კარლოს ზღვის სანაპიროზე მდებარე „დიდების ხეივანზე“. ეს ტრადიცია ქმნის საზოგადოებისთვის თვალსაჩინო ერთგვარ „დიდების დარბაზს“, სადაც ფეხბურთის ისტორიაში საუკეთესო მოთამაშეები ფეხის ანაბეჭდებით არიან წარმოდგენილნი და „ჩემპიონთა გასეირნებას“ უწოდებენ.

მისი მოგება შესაძლებელია მხოლოდ ერთხელ მოთამაშის კარიერაში, ასე რომ, არ არსებობს მრავალი გამარჯვებული. გამარჯვებული შეირჩევა ტექნიკური ჟიურისა და ონლაინ პოპულარული კენჭისყრის შედეგად, სადაც გულშემატკივრებს შეუძლიათ აქტიური მონაწილეობა.

Golden Foot 2024ზე ნომინანტები იყვნენ:

ლიონელ მესი
კევინ დე ბრუინე
ვირჯილ ვან დეიკი
თომას მიულერი
ჰარი კეინი
ანტუან გრიზმანი
კარიმ ბენზემა
მარკო ვერატი
ლაუტარო მარტინესი

The post ოქროს ფეხი 2024 ლაუტარო მარტინეს გადაეცემა appeared first on intermilano.ge.

მარტინესმა ემპოლისთან ერთი გოლი გაიტანა და კლუბის რეკორდების წიგნში შევიდა. ამ გოლით არგენტინელს 134 გოლი დაუგროვდა და ინტერის საუკეთესო უცხოელი მოთამაშე გახდა.

ინტერში გადასვლის შემდეგ მან გაიტანა 107 გოლი სერია A-ში, 8 გოლი კოპა იტალიაში, 16 ევროტურნირებზე და სამი იტალიის სუპერთასზე.

The post ლაუტარო მარტინესი გახდა ინტერის ყველა დროის საუკეთესო უცხოელი ბომბარდირი appeared first on intermilano.ge.

მილანის “ინტერის” მეთაური სიმონე ინძაგი სიურპრიზისთვის ემზადება “მანჩესტერ სიტისთან” მატჩისთვის შემადგენლობის დასახელებით.

“ნერაძურის” კაპიტანი ლაუტარო მარტინესი მატჩს სავარაუდოდ სათადარიგოთა სკამზე დაიწყებს. ამის შესახებ La Gazzetta dello Sport წერს.

არგენტინელი ფორვარდი ტრავმირებული არ არის, თუმცა ინძაგის თქმით, ფეხბურთელი არ არის საუკეთესო ფორმაში და დასვენება სჭირდება.

სიტისთან ფორვარდების დუეტი, წყაროს ცნობით, მარკუს ტურამი და მეჰდი ტარემი იქნებიან.

მანჩესტერ სიტისა და ინტერის მატჩი ოთხშაბათს გაიმართება და თბილისისის დროით 23:00 საათზე დაიწყება.

ამის შემდეგ კვირას სიმონე ინძაგის გუნდს კიდევ ერთი მნიშვნელოვანი თამაში მოუწევს – სერია A-ში მილანთან.

The post ლაუტარო მარტინესი სიტისთან მატჩს სათადარიგოთა სკამიდან დაიწყებს appeared first on intermilano.ge.

“ინტერმა” ფორვარდ ლაუტარო მარტინესთან კონტრაქტი გაახანგრძლივა, იტყობინება გუნდის პრესსამსახური. ფეხბურთელის კონტრაქტი 2029 წლის ივნისამდეა ძალაში.

26 წლის მარტინესი ინტერში 2018 წლიდან თამაშობს. 2023/24 წლების სეზონში არგენტინელმა მონაწილეობა მიიღო 44 მატჩში, გაიტანა 27 გოლი და 7 საგოლე გადაცემა გააკეთა.

მილანის ინტერის თავდამსხმელმა ლაუტარო მარტინესმა კლუბთან კონტრაქტის გახანგრძლივების შემდეგ კომენტარი გააკეთა.

ეს ჩემთვის ბევრს ნიშნავს, მე ამაყი და მადლიერი ვარ. მინდა გავაგრძელო ბრძოლა და მოგება, ყოველ თამაშში 100% დავდო და თანაგუნდელებს სწორი მაგალითის მიცემით დავეხმარო კლუბს ტიტულების მოგებაში. ძალიან ბედნიერი ვარ, რომ ამდენი გოლი გავიტანე ინტერის მაისურით, მაგრამ ვაპირებ კიდევ უფრო მეტის გატანას. ბოლო რამდენიმე წლის განმავლობაში ბევრი ტიტული მოვიგეთ და მეორე ვარსკვლავის მოგება განსაკუთრებით გვეამაყება – ამ მიღწევამ ინტერის ისტორიაში შესვლის საშუალება მოგვცა. განსაკუთრებული მადლობა გულშემატკივრებს, რომლებიც ყოველ წუთს გვიჭერენ მხარს”

2024/25 წლების სეზონის იტალიის ჩემპიონატი 17 აგვისტოს დაიწყება. პირველ ტურში ინტერი ჯენუას დაუპირისპირდება.

The post ლაუტარო მარტინესმა ინტერთან კონტრაქტი 2029 წლის ზაფხულამდე გაახანგრძლივა appeared first on intermilano.ge.

თავდამსხმელი ლაუტარო მარტინესი სრულად დათანხმდა ახალი კონტრაქტის პირობებს. “ინტერის” კაპიტანი კოპა ამერიკის შემდეგ კლუბის შტაბ-ბინაში მისვლისთანავე ახალ შრომით ხელშეკრულებას მოაწერს ხელს.

როგორც ავტორიტეტული ინსაიდერი ფაბრიციო რომანო სოციალურ ქსელში იუწყება, ლაუტაროს ახალი კონტრაქტი 2028/2029 წლების სეზონის ბოლომდე იქნება გათვლილი. არგენტინელი თავდამსხმელი წლიურად წმინდად 9 მილიონ ევროს გამოიმუშავებს.

მარტინესი “ინტერში” 2018 წლის ზაფხულიდან თამაშობს. მას შემდეგ თავდამსხმელმა 282 ოფიციალური მატჩი ჩაატარა, რომელშიც 129 გოლი გაიტანა და პარტნიორებს 43 საგოლე გადაცემა გაუკეთა.

The post ლაუტარო “ინტერთან” კონტრაქტს გაახანგრძლივებს – პირობები ცნობილია appeared first on intermilano.ge.

ინტერის თავდამსხმელი ლაუტარო მარტინესი კლუბთან ახალ კონტრაქტზე მოლაპარაკებებს აწარმოებს.

ნერაძურის კაპიტანს ჯერ არ მოუწერია ხელი შემოთავაზებულ ხელშეკრულებაზე, მაგრამ, Sky Sport-ის ცნობით, ბოლო მოლაპარაკებებმა მხარეები წარმატებულ გარიგებასთან მიიყვანა. უკვე დიდი ხანია ცნობილია, რომ ფეხბურთელს ხელშეკრულების გახანგრძლივება სურს.

ინტერი 26 წლის თავდამსხმელს წელიწადში 8 მილიონი ევროს ხელფასს სთავაზობს, არგენტინელს კი დაახლოებით 10 მილიონი ევროს მიღება სურს, მაგრამ კომპრომისი ორივე მხრიდან მოსალოდნელია.

ლაუტარო მარტინესმა მიმდინარე სეზონში 38 მატჩში 26 გოლი გაიტანა და 5 საგოლე გადაცემა გააკეთა.

The post ინტერი და ლაუტარო ახალ კონტრაქტზე შეთანხმებასთან ახლოს არიან appeared first on intermilano.ge.

მადრიდის ატლეტიკოს მთავარმა მწვრთნელმა დიეგო სიმეონემ ინტერთან ჩემპიონთა ლიგის მოახლოებულ მატჩზე ისაუბრა.

ინტერი ევროპის ერთ-ერთი საუკეთესო გუნდია, მაგრამ ჩვენ მზად ვართ დიდი მატჩის ჩასატარებლად.

დიეგო სიმეონე

ლაუტარო მსოფლიო დონის მოთამაშეა. ის ევროპაში ერთ-ერთი საუკეთესოა. მან ეს არამარტო ინტერში, არამედ არგენტინის ნაკრებშიც დაამტკიცა.

დიეგო სიმეონე

ოთხშაბათს, 13 მარტს, ჩემპიონთა ლიგის 1/8 ფინალური ეტაპის საპასუხო მატჩში მადრიდის ატლეტიკო სახლში ინტერს უმასპინძლებს. მატჩი თბილისის დროით 00:00 საათზე დაიწყება.

The post დიეგო სიმეონემ ინტერზე და ლაუტაროზე ისაუბრა appeared first on intermilano.ge.