შკრინიარმა შობამდე უნდა გასცეს პასუხი ინტერს.

ინტერის მცველმა მილან შკრინიარმა ხელმძღვანელობას ახალ კონტრაქტზე პასუხი უნდა გასცეს შობამდე, რომელიც 25 დეკემბერს აღინიშნება. La Gazzetta dello Sport-ის ინფორმაციით, სლოვაკმა პირობა დადო, რომ თავისი გადაწყვეტილების შესახებ ამ თარიღამდე აცნობებს ინტერს.

შეგახსენებთ, რომ შკრინიარს მოქმედი კონტრაქტი სეზონის ბოლოს ეწურება. პსჟ-ს აქტიური ინტერესის ფონზე, მილანს ჯერ არ გადაუწყვეტია მომავალი. ინტერის ხელმძღვანელობას ძალიან უნდა, რომ მცველი გუნდში დარჩეს.

ამ ზაფხულს ნერაძურებმა სლოვაკისთვის 70 მილიონი ევრო მოითხოვეს. პსჟ-მ 10 მილიონით ნაკლები შესთავაზა, მაგრამ ინტერი მტკიცე იყო და მცველი არ გაყიდა.