შკრინიარი: “მე პსჟ-სთან კონტრაქტი გავაფორმე”

მცველი მილან შკრინიარი ინტერიდან პსჟ-ში გადავა. 27 წლის სლოვაკმა ლიგა 1-ის გიგანტთან წინასწარი კონტრაქტი უკვე გააფორმა. ამავდროულად, შკრინიარს უახლოეს დღეებში შეუძლია პარიზში გადასვლა, თუ კლუბები ტრანსფერზე შეთანხმდებიან.

დიახ, მართალია – მე გავაფორმე კონტრაქტი PSG-თან. ველოდები კლუბების შეთანხმებას.

მილან შკრინიარი

ციტირებს შკრინიარის სიტყვებს სოციალურ ქსელებში ინსაიდერი ფაბრიციო რომანო Futbolsfz-ზე დაყრდნობით.

მილან შკრინიარი “ინტერში” 2017 წლის ზაფხულიდან თამაშობს. მას შემდეგ სლოვაკმა ნერაძურის შემადგენლობაში 242 ოფიციალური მატჩი ჩაატარა, რომელშიც 11 გოლი გაიტანა და პარტნიორებს 5 საგოლე გადაცემა გაუკეთა. მცველს ინტერთან მოქმედი კონტრაქტი ზაფხულში ეწურება.