მილანის “ინტერის” ხელმძღვანელებს ზაფხულში სერბი “აინტრახტის” ნახევარმცველის, ფილიპ კოსტიჩის გუნდში შეყვანა სურთ.

ინსაიდერის ფლორიან პლეტენბერგის თქმით, მილანური კლუბი მზადაა შესთავაზოს 29 წლის სერბ ფეხბურთელს ოთხწლიანი კონტრაქტი წელიწადში 5 მილიონი ევროს სოლიდური ხელფასით. „აინტრახტის“ ხელმძღვანელებს ერთ-ერთი ლიდერის გაყიდვიდან დაახლოებით 15 მილიონი ევროს მიღება სურთ.

შეგახსენებთ, რომ მიმდინარე სეზონში ფილიპ კოსტიჩმა გერმანიის ლიგაში 27 მატჩი ჩაატარა, რომელშიც ოთხი გოლი გაიტანა და რვა საგოლე გადაცემა გააკეთა.