ინტერის პრეზიდენტმა სტივენ ჟანგმა ამერიკულ საინვესტიციო კომპანია Oaktree Capital-თან საერთო ენის გამონახვა შეძლო და ნერაძურის სესხის დასაფარად მეტი დრო ექნება.

2021 წელს ნასესხები 275 მილიონი, რომელიც პროცენტების ჩათვლით 350 მილიონამდე გაიზარდა, Suning-ს მიმდინარე წლის 20 მაისამდე უნდა დაეფარა, წინააღმდეგ შემთხვევაში ჩინელები გუნდზე კონტროლს დაკარგავდნენ.

Gazzetta dello Sport-ის ცნობით, ხანგრძლივი მოლაპარაკებების შემდეგ, სტივენ ჯანგმა ამერიკელებთან საერთო ენა გამონახა და მხარეები სესხის გადავადებაზე შეთანხმდნენ, რაც ჩინელებს დამატებით 30-40 მილიონი დაუჯდებათ.

The post სტივენ ჟანგმა ამერიკელებთან საერთო ენის გამონახვა შეძლო appeared first on intermilano.ge.

ინტერის პრეზიდენტი მჭიდრო კომუნიკაციაშია ინტერის ფეხბურთელებთან და მწვრთნელთან.

შორეული პრეზიდენტი, რომელიც ტელეფონით ეკონტაქტება გუნდს. ეს არის ინტერის ყოველდღიური რეალობა, სავსე სიამაყითა და ამბიციებით. რამოდენიმე დღის წინ, მაგალითად, პრეზიდენტმა ფედერიკო დი მარკოს დაბადების დღე მიულოცა. ოთხშაბათს ღამით, ზალცბურგის დამარცხების შემდეგ კაპიტან ლაუტაროსთან განახორცილა ზარი. ყველაზე მთავარი ზარი კი იყო სიმონე ინძაგისთან, “მის” მწვრთნელთან, ადამიანს, რომელსაც თავად სტივენ ჟანგი “საჩუქარს” უწოდებს.

პრეზიდენტი ახლა ითხოვს რაღაცას, რომელიც შედგება ორი სიტყვისაგან… „მეორე ვარსკვლავი“. პრეზიდენტი კონტაქტშია კლუბის ყველა ნაწილთან, ორი აღმასრულებელი დირექტორის მაროტადან და ანტონელოდან დაწყებული, ის განუწყვეტლივ ესაუბრება ყველას.

ჟანგი აფასებს შესრულებულ სამუშაოს, თუნდაც შორიდან. მან გამოაცხადა, რომ მეორე ვარსკვლავი და სკუდეტო შეცვლიდა ინტერის კურსს და შეუმსუბუქებს Suning-ის მდგომარეობას. რამოდენიმე დღის წინ ინტერის პირველმა ადამიანმა დააჯილდოვა თავისი გუნდი 2 მილიონი ევროთი ჩემპიონთა ლიგის მომდევნო ტურში კვალიფიკაციისთვის.

The post სტივენ ჟანგი: “მეორე ვარსკვლავით ყველაფერი შეიცვლება” appeared first on intermilano.ge.

“ინტერის” პრეზიდენტმა სტივენ ჟანგმა ისაუბრა გუნდის თავდამსხმელ რომელუ ლუკაკუსთან მიმდინარე სეზონის დაწყებამდე საუბარზე.

რომ მეთქვა, რომ ამ სეზონში ჩემპიონთა ლიგის ფინალში გავიდოდით, არ დავიჯერებდი. ერთადერთი ადამიანი, ვისაც თავიდან სჯეროდა, იყო რომელუ ლუკაკუ. მან ეს მითხრა გუნდში დაბრუნებისთანავე.

სტივენ ჟანგი

გუშინ, 16 მაისს, ნერაძურიმ ჩემპიონთა ლიგის ნახევარფინალში საერთო ჯამში (3:0) დაამარცხა მილანი და დამსახურებულად გავიდა ტურნირის ფინალში.

ლუკაკუ ინტერში ჩელსიდან იჯარით თამაშობს.

30 წლის ბელგიელმა მიმდინარე სეზონში ნერაძურის მაისურით 32 მატჩი ჩაატარა, 12 გოლი გაიტანა და 6 საგოლე გადაცემა გააკეთა.

The post ჟანგი: “ლუკაკუმ სეზონის დაწყებამდე თქვა, რომ ჩემპიონთა ლიგის ფინალში გავიდოდით” appeared first on intermilano.ge.

მილანის ინტერი ჩემპიონთა ლიგის ნახევარფინალამდე გავიდა, კლუბმა საერთო ჯამში ბენფიკა დაამარცხა და ამით ძალიან კმაყოფილია ინტერის პრეზიდენტი სტივენ ჟანგი. მან კომენტარი გააკეთა კლუბის შედეგებზე.

ჩვენთვის ჩემპიონთა ლიგის ნახევარფინალი ბევრს ნიშნავს, როგორც ხელმძღვანელობისთვის, ასევე კლუბის თანამშრომლებისთვის. ბოლოს და ბოლოს, ჩვენ ეს ყველაფერი დავიწყეთ ისეთი ფეხბურთელებით, რომლებსაც ევროპაში არავინ იცნობდა. ჩემპიონთა ლიგა ყველაზე რთული და პრესტიჟული ტურნირია. ნახევარფინალზე ვოცნებობდით. ახლა ჩვენ უნდა ვეცადოთ კიდევ უფრო მეტი გავაკეთოთ.

სტივენ ჟანგი

ჩემპიონთა ლიგის ნახევარფინალში “ინტერი” “მილანს” დაუპირისპირდება. 

The post კლუბის წარმატებაზე კომენტარი ინტერის პრეზიდენტმა გააკეთა appeared first on intermilano.ge.

გუნდის მენეჯმენტი ოპტიმისტურად არის განწყობილი მომავლის მიმართ.

იტალიური ფეხბურთი ჩაძირულია კრიზისში: იდეოლოგიურად და ფინანსურად. ყოველი კლუბი კი პრობლემების საკუთარ ჭაობშია ჩაფლული. იუვენტუსი 15 ქულა დააკლეს ფულისა და კონტრაქტის გაყალბების გამო. მილანმა სკუდეტოს შემდეგ პროგრესი შეწყვიტა.

ინტერი ვალების გამო წლებია წელში ვერ გაიმართა. სიტუაციას კიდევ უფრო ამძიმებს სტივენ ჟანგის პირადი პრობლემები. ეს ყველაფერი უახლოეს მომავალში დიდ გავლენას მოახდენს კლუბის განვითარებაზე. რაც უბრალოდ აუცილებელია, თუ ინტერს სურს გააგრძელოს ტიტულების მოგება.

ამ დროისთვის, ინტერის მთლიანი დავალიანება 275 მილიონი ევროა. კლუბმა იანვარში 468 მილიონი დოლარის ობლიგაციები გამოუშვა ვალის ნაწილობრივ დასაფარად, მაგრამ ეს ნაბიჯი მაინც არ არის საკმარისი კრიზისიდან გამოსასვლელად. გარდა ამისა, ეს კატეგორიულად ეწინააღმდეგებოდა ჟანგის გეგმებს, რომელმაც მაშინვე განაცხადა ანტონიო კონტეს წასვლის შემდეგ: “ჩვენ არ ვაპირებთ ობლიგაციების გამოშვებას, ჩვენ გვირჩევნია ვიპოვოთ გამოსავალი ჩვენივე და კლუბისთვის უფრო უსაფრთხო გზით”.

ჟანგმა ვერ შეასრულა დაპირება !!

მეორე მხრივ, თავად ჟანგიც იტანჯება და ეს მართლაც გლობალური პრობლემაა ინტერისთვის. მას ამჟამად China Construction Bank Asia-ს 300 მილიონი დოლარის ვალი აქვს: 255 (სუფთა ვალი) + 45 (ვალი, ანუ მოსარჩელეების გარანტიის ვალი).

თუ ვსაუბრობთ ჟანგის დავების მიმდინარეობაზე ჩინურ ბანკთან, მაშინ ის ასეთია: 

• კრედიტორმა კომპანიამ სარჩელი ჯერ კიდევ 2021 წლის აგვისტოში შეიტანა. ანუ ახლა ვალი, თუ დანაშაული სრულად დადასტურდა, თითქმის 2 წელია მიმდინარეობს.

• ჟანგი ცდილობდა ამ თანხის გაპროტესტებას და თქვა, რომ ეს სიცრუეა, მაგრამ მას ფული არავისთვის მიუცია. მაგრამ ჯერ კიდევ ივლისში, ჰონგ კონგის უზენაესმა სასამართლომ უარყო საჩივარი და მხარი დაუჭირა China Construction Bank Asia-ს.

• ოქტომბერში მოსარჩელემ კვლავ 300 მილიონი დოლარი მოსთხოვა ჟანგს. შემდეგ ჟანგმა თქვა, რომ აპირებდა ბოლომდე იბრძოლოს ამ სასამართლო საქმეში.

პრესაში დაიწყო საუბარი ჟანგის სამთვიან პატიმრობაზე. ასეთი შემობრუნება შესაძლებელია, თუ პროკურატურა დაადგენს, რომ ჟანგს ჰქონდა საჭირო თანხა, მაგრამ მან უარი თქვა ვალის გადახდაზე.

საქმეს ართულებს ჩინეთსა და იტალიას შორის 2015 წლის შეთანხმება. ეს არის შეთანხმება სისხლის სამართლის საქმეებში ექსტრადიციისა და ურთიერთდახმარების შესახებ. ასე რომ, თუ ჟანგს მილანის ციხეში გაგზავნიან, შესაძლოა, ის მაშინვე ჩინეთს გადასცეს. ჯერჯერობით ციხე და რეალური ვადები ჯერ კიდევ შორსაა. სასამართლოს მოუწევს დაამტკიცოს ის ფაქტი, რომ ჟანგს აქვს ეს თანხები (300 მილიონი). პირველი შეხვედრა 8 მარტს არის დაგეგმილი და მილანში გაიმართება – მანამდე ძნელი სათქმელია, დაეკისრება თუ არა მას რაიმე სასჯელი გადასახადის დაგვიანებისთვის.

აქვს თუ არა ინტერს გამოსავალი ამ სიტუაციიდან? დიახ, არის, მაგრამ ეს მხოლოდ ახალი მფლობელების მოსვლაზეა დამოკიდებული. Zhang-მა და Suning Group-მა უკვე მისცეს მანდატი საერთაშორისო იურიდიულ ფირმას Latham and Watkins-ს ახალი მფლობელების მოძიებაში. ჯერჯერობით, ეს ძიება წარმატებული არ არის. ისინი ძირითადად აშშ-ში იმართება, სადაც ინტერის ამჟამინდელ მფლობელს ბევრი მეგობარი და ბიზნესპარტნიორი ჰყავს.

ინტერის რესტრუქტურიზაცია რამდენიმე ეტაპად მიმდინარეობს. პირველი ეტაპი ამ ზაფხულს დაიწყება.

გუნდის დატოვებენ:

• მილან შკრინიარი. აქ ყველაფერი გასაგებია, ყოფილმა კაპიტანმა კონტრაქტი არ გაახანგრძლივა და პსჟ-ში წავა.

• მარსელო ბროზოვიჩი. მის მიმართ დიდი ინტერესი არ არის, ხელფასი კი კბენს ინტერის რთულ ფინანსურ მდგომარეობას. გარდა ამისა, ბროზო შორს არის მისი საუკეთესო ფორმისგან ამ სეზონში, ამიტომ არის კითხვები, წარმატებული იქნება თუ არა მისი გაყიდვა. მაგრამ ხელმძღვანელობა მას ხელშეუხებელ მოთამაშედ აღარ თვლის.

• წამსვლელთა სიას ემატება ხოაკინ კორეა (10-20 მ), რომელიც სრულიად გამოუსადეგარია და დენზელ დუმფრისს (40-50 მ), რომელის მიმართ პრემიერ ლიგის გუნდები იჩნს დიდი ინტერესს.

რესტრუქტურიზაციის მეორე ეტაპი მწვრთნელის სავარაუდო შეცვლაა.

სიმონე ინძაგის პოზიცია ძალიან რყევადია და დიდწილად დამოკიდებულია სეზონის ბოლოს ჩემპიონთა ლიგის ზონაში მოხვედრაზე. მაგრამ იგივე GdS წერდა, რომ ინძაგისთან თანამშრომლობა შეიძლება დასრულდეს, თუ ხელმძღვანელობას ექნება შესაბამისი ჩანაცვლების ვარიანტი. ერთი თვის წინ ესპანური წყაროები მადრიდის ატლეტიკოდან დიეგო სიმეონეს წასვლაზე საუბრობდნენ – მან არაერთხელ უთქვამს, რომ ინტერში დაბრუნებაზე ოცნებობს. მაგრამ სიმეონემ უარყო ეს ჭორები და თქვა, რომ სურს კლუბთან კონტრაქტი ბოლომდე იმუშაოს. 

კიდევ ერთი ვარიანტია რობერტო დე ზერბი. მეთ ლოუ The Telegraph-იდან დაწერა, რომ დე ზერბიმ მიიპყრო ევროპის ზოგიერთი ტოპ კლუბის ყურადღება ბრაიტონში მუშაობით. ამ რიცხვში შედის ინტერიც. დე ძერბის ტრანსფერი ზაფხულში შეიძლება განხორციელდეს.

მესამე ეტაპი არის მფლობელების სავარაუდო შეცვლა. რამდენიმე იტალიური მედია უკვე წერდა: თუ ადრე ჟანგს ინტერის შენარჩუნება სურდა, ახლა, როცა მას მეტი პრობლემა აქვს, კლუბის სრულფასოვან გაყიდვაზე ფიქრობს. ინტერის გულშემატკივრებში ოპტიმიზმი არსებობს იმისა, რომ ახალი მენეჯერების მოსვლით კლუბში ფინანსური მდგომარეობა მკვეთრად შეიცვლება დადებითი მიმართულებით.

***

 ცვლილება ნორმალურია. ნებისმიერი კლუბი უნდა შეიცვალოს და გაუმჯობესდეს. მნიშვნელოვანია მხოლოდ ამ პროცესზე დაკვირვება და დარწმუნდეთ, რომ არაფერი გამოვა კონტროლიდან. ინტერიც იცვლება. ჩვენ გვაქვს პრობლემები, მაგრამ ჩვენ ვიგებთ თასებს და ამას კონკურენტებზე ხშირად ვაკეთებთ ბოლო დროს, რაც არ უნდა მოხდეს. იმედი ვიქონიოთ, რომ უახლოეს მომავალში დანარჩენ გუნდთან ერთად ინტერს ევროპული სტანდარტებით უმაღლეს დონეზე დავაბრუნებთ.

ბეპე მაროტა

ბეპე მაროტა გაბედული იყო თავის პროგნოზებში – მაგრამ ამ ინტერს ნამდვილად სჭირდება მონდომება და გამბედაობა სასიამოვნო ცვლილებებისთვის…

The post ინტერში დიდი ცვლილებები იგეგმება appeared first on intermilano.ge.

მილანის “ინტერში” მფლობელი შეიძლება შეიცვალოს. ამერიკული ფონდი ნერაძურის წილის ყიდვას აპირებს, იუწყება Il Giornale.

იტალიის ტოპ-კლუბის გაყიდვასთან დაკავშირებით სიტუაცია უახლოეს რამდენიმე კვირაში გაირკვევა. პოტენციური მყიდველი ემზადება “ინტერის” შესაძენად შეთავაზების გასაკეთებლად. თუ მხარეები შეთანხმდებიან, გარიგება ამ სეზონის ბოლოს გაფორმდება.

შეგახსენებთ, რომ “ნერაძურის” ამჟამინდელ მფლობელს, სტივენ ჟანგს, “ინტერის” გაყიდვიდან 1,2 მილიარდი ევროს მიღება სურს.

იტალიის ჩემპიონატის მიმდინარე სეზონში „ინტერმა“ 47 ქულა დააგროვა და სერია A-ს სატურნირო ცხრილში მეორე ადგილი უკავია.

The post ინტერის მფლობელი შესაძლოა მალე შეიცვალოს appeared first on intermilano.ge.

“ინტერის” პრეზიდენტმა სტივენ ჟანგმა იტალიის სუპერთასზე “მილანთან” გამარჯვების (3:0) შემდეგ თავისი აზრები გააზიარა.

ნერაძურიმ მეოთხე თასი მოიგო ჟანგის ხელმძღვანელობით – მანამდე მოიგეს კოპა იტალია და სერია A, გუნდმა კი სუპერთასზე მეორედ იმარჯვა ბოლო ორი სეზონის განმავლობაში.

ჩვენი პროექტი ორიენტირებულია გამარჯვებაზე. ინტერმა დაისახა მაღალი მიზნები ჩემპიონთა ლიგასა და იტალიის ჩემპიონატში, მიუხედავად იმისა, რომ სეზონის არც თუ ისე საუკეთესო დავიწყეთ. ყველაფერი ეტაპობრივად მოგვარდება.

სტივენ ჯანგი

ეს განსაკუთრებული გამარჯვებაა, რადგან ჩვენ არა მხოლოდ დერბი მოვიგეთ, არამედ მოვიგეთ კიდევ ერთი თასი, მეოთხე ბოლო წლებში.

სტივენ ჯანგი

The post  სტივენ ჯანგი “ჩვენ გავაგრძელებთ გამარჯვებას” appeared first on intermilano.ge.

მილანის “ინტერის” პრეზიდენტმა სტივენ ჟანგმა გუნდის მომავალი წლის მიზნებზე ისაუბრა. შეგახსენებთ, რომ “ნერაძური” იტალიის ჩემპიონატში ამჟამად მეხუთე ადგილზეა და წამყვან ნაპოლის 11 ქულით ჩამორჩება. რაც შეეხება ჩემპიონთა ლიგას, იქ სიმონე ინძაგის გუნდი ⅛ ფინალში პორტოს შეხვდება.

ეჭვი არ არის: ჩვენ გვინდა ვიბრძოლოთ ტიტულებისთვის. “ინტერი” ასე გააგრძელებს მომავალ წელს.

სტივენ ჯანგი

ბოლო წლებში ინტერი ფინანსურ სირთულეებს განიცდიდა. დადის ხმები, რომ ამის გამო გუნდმა სეზონის ბოლოს შესაძლოა რამდენიმე საკვანძო მოთამაშე გაყიდოს.

The post ჟანგი: “გვინდა გავაგრძელოთ ბრძოლა ტიტულებისთვის” appeared first on intermilano.ge.

ინტერის პრეზიდენტმა უარყო ჭორები კლუბის უახლოეს მომავალში გაყიდვის შესახებ.

კლუბი არ იყიდება. ჩვენ არ ვაწარმოებთ მოლაპარაკებებს არცერთ ახალ პოტენციურ ინვესტორებთან.

სტივენ ჟანგი

ამ დროისთვის ინტერის აქციების უმრავლესობის მფლობელი ჩინური კომპანია Suning-ია.

The post სტივენ ჟანგი: “ინტერი არ იყიდება” appeared first on intermilano.ge.

მილანის ინტერის პრეზიდენტი სტივენ ჟანგი აღფრთოვანებული იყო გუნდის ჩემპიონთა ლიგაზე გამარჯვების შემდეგ.

ოთხშაბათს სიმონე ინძაგის გუნდმა მერვედფინალში გასვლის გარანტია მისცა, შინ ჩეხური პილზენი (4:0) დაამარცხებამ. La Gazzetta dello Sport-ის ცნობით, სტივენ ჟანგი მატჩის შემდეგ გუნდის გასახდელში შევიდა, ფეხბურთელებს მიულოცა და ფულადი ჯილდო 2 მილიონი ევრო გადასცა “სიკვდილის ჯგუფში” წარმატებული თამაშისათვის.

The post ინტერის ფეხბურთელები პრეზიდენტისგან ფულად ჯილდოს მიიღებენ appeared first on intermilano.ge.