სიმონე ინძაგიმ კოპა იტალიას ნახევარფინალური მატჩის წინ პრეს-კონფერენცია გამართა.

გუნდი ენერგიითა და მოტივაცით აღსავსე უახლოვდება ამ ნახევარფინალს, ვიცით, რამდენად მნიშვნელოვანია და რას წარმოადგენს ეს გამოწვევა გულშემატკივრებისთვის და კლუბისთვის. ზედიზედ სამი გამარჯვება მოვიპოვეთ და კარგად ვართ მომზადებული მომავალი თამაშისთვის

სიმონე ინძაგი

ჩვენ ამ ტურნირის მნიშვნელობა ძალიან კარგად გვესმის და ისიც ვიცით, რომ მომდევნო ეტაპზე გასასვლელად რთული ბარიერის გადალახვა მოგვიწევს. ჩვენ კარგი სერია გვაქვს და ვფიქრობ, რომ მილანთან დაპირისპირებას კარგ ფორმაში ვხვდებით.

სიმონე ინძაგი

ჩვენ სუპერ თასი უკვე მოვიგეთ, კოპა იტალია და სერია A კი მნიშვნელოვან სამიზნეებად რჩება და ინტერისთვის ერთადერთი მისაღები შედეგი ფინალში გასვლაა.

სიმონე ინძაგი

ჩემს განკარგულებაში 5 შემტევია და საბედნიეროდ თითოეული მათგანი კარგ ფორმაშია. ჯერ არ მაქვს გადაწყვეტილი, რომელი დაიწყებს სასტარტოში, მაგრამ თუ საჭირო გახდა, მე ვიცი, რომ შეტევის გაძლიერება შემიძლია.

სიმონე ინძაგი

უნდა გვახსოვდეს, რომ გასვლაზე გატანილი გოლის წესი ამ ტურნირზე ჯერ კიდევ მოქმედებს, რაც სიტუაციას ძალიან ცვლის, ამიტომ ფრთხილად უნდა ვიყოთ და ვეცადოთ, რომ მეტოქეს გოლის გატანის საშუალება არ მივცეთ.

სიმონე ინძაგი