სიმონე ინძაგი: “ძნელი იქნება გასული წლის წარმატებების გამეორება”

მილანის ინტერის მწვრთნელი სიმონე ინძაგი შიშობს, რომ კლუბს გაუჭირდება გასული წლის წარმატების გამეორება, როდესაც გუნდმა მოიგო სუპერთასი და იტალიის თასი, ითამაშა ჩემპიონთა ლიგის ფინალში და სერია A მესამე ადგილზე დაასრულა.

დიდი სეზონი გვქონდა, ძალიან გრძელი, 57 მატჩი ჩავატარეთ. ბევრი რთული მომენტი იყო, მაგრამ კლუბის მთელმა პერსონალმა გამოწვევას ღირსეულად გაართვა თავი. ველოდებით ახალ, არანაკლებ ინტენსიურ სეზონს, იმედი ვიქონიოთ, რომ ასეთივე ინტენსიური სეზონი გვექნება წარმატების მხრივ. ძალიან რთული იქნება, მაგრამ სურვილი არსებობს უდიდესი.

სიმონე ინძაგი