ფიორენტინა – ინტერი | კოპა იტალია 22-23 ფინალი.

ინტერი მოქმედი თასის მფლობელია. ბოლო გათამაშების ფინალში ნერაძურიმ იუვენტუსი დაამარცხა. საერთო ჯამში, მილანურ კლუბს იტალიის თასზე რვა მოგება აქვს – ეს კი მესამე შედეგია.

თითოეულ მხარეს სურს თასის მოპოვება და იქნება მოტივირებული თავისებურად. გამარჯვების შემთხვევაში ინტერი რომას ტიტულების მიხედვით გაუთანაბრდება, ფიორენტინა კი ევროპის ლიგაზე ადგილს დაიკავებს.

“ინტერი”

“ინტერის” პრეზიდენტი სტივენ ჟანგი იტალიის თასის ფინალში რომში იქნება. მას სურს, პირადად ნახოს, როგორ მოიგებს მისი ხელმძღვანელობით ნერაძური მეხუთე თასს. თუმცა ყველას მშვენივრად ესმის ჟანგის მთავარი მიზანი ჩემპიონთა ლიგის ტიტულია.

დაშავებულია შკრინიარი და ის ინდივიდუალურ პროგრამით ვარჯიშობს, მხითარიანი აღდგენით თერაპიას გადის. მიუხედავად იმისა, რომ ორივე ლეგიონერი ამ შეხვედრაში მონაწილეობას ვერ მიიღებს, ისინი გუნდთან ერთად რომში გაემგზავრნენ. ედინ ჯეკო ფეხზე სახვევით ვარჯიშობდა, მაგრამ კლუბი გვარწმუნებს, რომ ამაზე არ უნდა ვინერვიულოთ.

ფიორენტინასთან მატჩისთვის შემადგენლობა უკვე დაკომპლექტებულია: მატჩის პირველივე წუთებიდან დაიწყებენ: ჰანდანოვიჩი, დარმიანი, აჩერბი, ბასტონი, დუმფრისი, ბარელა, ბროზოვიჩი, ჩალჰანოღლუ, დიმარკო, ჯეკო და ლაუტარო.

ფიორენტინასა და ინტერის მატჩი დღეს, 24 მაისს, რომში გაიმართება და თბილისის დროით 23:00 საათზე დაიწყება.