ნიკოლო ბარელას ინტერში 150 მატჩი დაუგროვდა.

ინტერმა პლზენს მოუგო და ჩემპიონთა ლიგის პლეი-ოფის საგზური მოიპოვა. ეს თამაში 150-ე იყო ნიკოლო ბარელასთვის – მოედანზე ერთ-ერთი საუკეთესო მოთამაშე სიმონე ინძაგის გუნდში.

მან კლუბში თამაში 2019/2020 წლების სეზონში დაიწყო და 2021 წელს იტალიის ჩემპიონი გახდა. 150 მატჩიდან ბარელამ ჩემპიონთა ლიგაზე 2 ათეული მატჩი ჩაატარა და კლუბის მაისურით სულ თექვსმეტი გოლი გაიტანა.

ასევე, პლზენთან მატჩი 50-ე იყო მილანის ინტერში ხოაკინ კორეასთვის. არგენტინელი ნახევარმცველი ინტერში 2021 წლიდან თამაშობს.