მილანის ინტერის ყოფილმა პრეზიდენტმა მასიმო მორატიმ გუნდის წარმატებებზე ისაუბრა.

ნერაძური თავდაჯერებულად ლიდერობს სერია A-ს სატურნირო ცხრილში, 12 ქულით უსწრებს იუვენტუსს 26 ტურის შემდეგ. გუნდს ჩემპიონთა ლიგაზეც კარგად გამოსდის. მერვედფინალის პირველი მატჩი იტალიელმა გრანდმა მადრიდის ატლეტიკოსთან 1:0 მოიგო.

ახლანდელი ინტერი ყველა დროის საუკეთესოა? ეს შეიძლება რეალურად იყოს ძალიან საინტერესო საყურებელი. სიმართლე გითხრათ, არ ველოდი, რომ სიმონე ინძაგი ასეთი კარგი იქნებოდა. ის მართლაც წარმოუდგენლად კარგია. ინტერი მშვენივრად თამაშობს.

მასიმო მორატი