მილანი – ინტერი | ჩემპიონთა ლიგა 22-23 | ½ ფინალი.

ოთხშაბათს საღამოს, ჩემპიონთა ლიგის პირველ ნახევარფინალურ მატჩში მილანი ინტერს უმასპინძლებს

“ინტერი”

ჩემპიონთა ლიგის მიმდინარე 1/8 და 1/4 ფინალებში სიმონე ინძაგის გუნდმა გზა გაიარა 2 პორტუგალიის წარმომადგენლი – ჯერ პორტუ (სახლში 1:0 მოიგო, სტუმრად ფრედ 0:0), შემდეგ კი – ბენფიკა (გასვლით მოგება 2:0, შინ ფრედ 3:3). ახლა ნერაძური ნახევარფინალში მილანთან შესახვედრად ემზადებიან.

ჰაკან ჩალაჰნოღლუ თუ ბროზოვიჩი ნახევარდაცვაში? Corriere dello Sport-ს მიაჩნია, რომ ორივე ძირითადიდან დაიწყებს. მხითარიანი კი სათადარიგოთა სკამზე გადაინაცვლებს.

სავარაუდო სასტარტო შემადგენლობა Sportmediaset-ის ვერსიით.

სტატისტიკა

– 2010 წლის შემდეგ ინტერი პირველად გავიდა ჩემპიონთა ლიგის 1/2 ფინალში.

– “მილანი” და “ინტერი” ჩემპიონთა ლიგაზე ორჯერ გადაკვეთეს – 2002/2003 წლების სეზონის 1/2 ფინალში და 2004/2005 წლების სეზონის 1/4 ფინალში. ორივე შემთხვევაში როსონერი უფრო შორს წავიდა – 0:0, 1:1 2003 წელს (გასვლითი გოლის წესით); 2:0, 3:0* 2005 წელს.

– ინტერს ჩემპიონთა ლიგაზე ბოლო 10 გასვლითი მატჩიდან მხოლოდ 2 წააგო (5 მოგება, 3 ფრე)

შეგახსენებთ, რომ ჩემპიონთა ლიგის ნახევარფინალური დერბი დღეს თბილისის დროით 23:00 საათზე დაიწყება.