მანჩესტერ იუნაიტედი ედინ ჯეკოს შეძენით არის დაინტერესებული.

“მანჩესტერ იუნაიტედი” დაინტერესებულია “ინტერის” თავდამსხმელის ედინ ჯეკოს შეძენით, იტყობინება Daily Mail.

წყაროს ცნობით, კლუბი ფეხბურთელის შესაძლო შეძენას უახლოეს მომავალში განიხილავს.

ჯეკო ინტერში 2021 წლის ზაფხულიდან თამაშობს. 36 წლის ბოსნიელის მოქმედი კონტრაქტის ვადა 2023 წლის 30 ივნისამდეა გათვლილი. პორტალი Transfermarkt მოთამაშეს 4 მილიონ ევროდ აფასებს. ჯეკომ მიმდინარე სეზონში ინტერში 23 მატჩი ჩაატარა, 10 გოლი გაიტანა და 4 საგოლე გადაცემა გააკეთა.