ლაუტარო მარტინესის პირადი რეკორდები და სტატისტიკა

ინტერის თავდამსხმელმა ლაუტარო მარტინესმა ჩემპიონთა ლიგის ნახევარფინალის საპასუხო მატჩში მილანთან (1:0) გოლი გაიტანა.

ეს ბურთი არგენტინელისთვის მე-10 იყო ჩემპიონთა ლიგაზე. თავდამსხმელი გუნდის ბომბარდირთა სიაში მე-4 ადგილზე გადავიდა და ყოფილ ნერაძურის თავდამსხმელს სამუელ ეტოოს დაეწია.

გუნდის რეკორდსმენია ბრაზილიელი ყოფილი თავდამსხმელი ადრიანო, რომელმაც ჩემპიონთა ლიგაზე 14 გოლი გაიტანა. მეორე ადგილზეა ხულიო კრუზი 11 გოლით. მესამე ხაზზე ერნან კრესპოა (11).

ასევე ლაუტარო მარტინესმა მე-8 გოლი გაიტანა მილანის წინააღმდეგ. სხვა გუნდებთან შედარებით, მილანის კარში “ელ ტოროს” ყველაზე მეტი გოლი აქვს გატანილი. მადონინას საუკეთესო გოლიადორი 14 ბურთით ანდეი შევჩენკოა.

მარტინესი ინტერის რიგებს 2018 წელს შეუერთდა, 25 წლის თავდამსხმელს მიმდინარე სეზონში 51 მატჩში 25 გოლი და 10 საგოლე გადაცემა აქვს, მათ შორის სამი გოლი და სამი საგოლე გადაცემა ჩემპიონთა ლიგაზე.