ლაუტარო: “კიდევ ერთი ძლიერი მატჩი”

მილანის ინტერმა რომა 4:2 დაამარცხა და სატურნირო ცხრილში ლიდერობა გაიმყარა. მილანური კლუბის მთავარმა ბომბარდირმა ლაუტარო მარტინესმა მატჩის შედეგებზე კომენტარი გააკეთა და თვლის, რომ მისმა გუნდმა წინა ტურში ტურინში იუვენტუსის დამარცხების შემდეგ კიდევ ერთი ძლიერი მატჩი ჩაატარა.

კიდევ ერთი დიდი მატჩი დიდი გუნდისთვის. მნიშვნელოვანი იყო გაშვებულ გოლზე სათანადო რეაგირება. რეაქცია დიდი სიგნალი იყო. მადლობელი ვარ გულშემატკივრების მხარდაჭერისთვის.

ლაუტარო მარტინესი

იტალიის სერია A-ს ჩემპიონატის შემდეგ ტურში მილანური კლუბი საკუთარ მოედანზე სალერნიტანას დაუპირისპირდება.