ინტერმა სასუოლოსთან გამარჯვებით სერია A-ში 5551 ქულა დააგროვა.

სერია A-ს მორიგი ტურის მატჩი სასუოლოსთან წარმატებით დასრულდა – მილანელებმა ოთხი გოლი გაიტანეს, თუმცა ორი გაუშეს, რითაც გულშემატკივრებს ხასიათი ოდნავ გაუფუჭეს.

როგორც გაირკვა, დაგროვილმა სამმა ქულამ ინტერს საშუალება მისცა დაეფიქსირებინა 5551 ქულიანი მაჩვენებელი სერია A-ში თამაშის განმავლობაში. კლუბს იტალიის უმაღლესი ლიგა არასდროს დაუტოვებია.

შეგახსენებთ, რომ კლუბმა ცხრამეტჯერ მოიპოვა ჩემპიონის ტიტული სერია A-ში, მათ შორის 2021 წელს – ამ დროისთვის ბოლოჯერ.

შემდეგ ტურში ინტერი ჩემპიონ ნაპოლის დაუპირისპირდება სტუმრად.