ინტერმა ინძაგის ულტიმატუმი წაუყენა.

მილანის ინტერის მთავარი მწვრთნელი სიმონე ინძაგი შესაძლოა გაათავისუფლონ, თუ გუნდს უეფას ჩემპიონთა ლიგის მეოთხედფინალში ვერ გაიყვანს.

Corriere dello Sport-ის ჟურნალისტების ცნობით, ნერაზურის ხელმძღვანელობა გუნდის შედეგებით უკმაყოფილოა და ბოლო მატჩში მარცხმა “სპეციასთან” (1:2) ბოსები გააღიზიანა. თუ ინტერი ჩემპიონთა ლიგიდან გამოვარდება, ინძაგის ბედი გადაწყვეტილი იქნება.

ჩემპიონთა ლიგის მომდევნო ტურისთვის ინტერი პორტოსთან იბრძვის. დაპირისპირების პირველ შეხვედრაში მილანურმა გრანდმა მინიმალური გამარჯვება იზეიმა ანგარიშით 1:0.

სიმონე გუნდის მთავარი მწვრთნელია 2021 წლის ივნისიდან. მისი კონტრაქტი 2023/2024 წლების სეზონის ბოლომდე მოქმედებს.