ინტერმა ბაიერნს პავარდის ტრანსფერის მოთხოვნა გაუგზავნა.

ინტერი ბაიერნის მცველის, ბენჟამინ პავარდის შეძენას ცდილობს. ჟურნალისტ ფლორიან პლეტენბერგის თქმით, მილანურმა კლუბმა მიუნხენელ გუნდს თხოვნა გაუგზავნა.

26 წლის მცველის კონტრაქტი მიუნხენურ კლუბთან 2024 წლის ივნისის ბოლომდეა ძალაში. 2022/23 წლების სეზონში პავარდმა ბაიერნის შემადგენლობაში 23 მატჩში 4 გოლი გაიტანა.

პორტალი Transfermarkt.com ფეხბურთელის ღირებულებას 35 მილიონ ევროდ აფასებს.

მანამდე ბაიერნის სპორტულმა დირექტორმა ჰასან სალიჰამიჯიჩმა განაცხადა, რომ კლუბი აწარმოებს მოლაპარაკებებს მცველთან კონტრაქტის გახანგრძლივებაზე.