ინტერის თავდამსხმელისთვის სერია A-ს ორი კლუბი იბრძოლებს.

ფორვარდი ანდრეა პინამონტი, რომელიც მილანის ინტერს ეკუთვნის, იტალიურ სერია A-ს კლუბებს შორის მოთხოვნადია.

ინსაიდერ ნიკოლო სკირას თქმით, სასუოლო 23 წლის თავდამსხმელის შემდეგი კანდიდატი გახდა. შავ-მწვანეები ფეხბურთელისთვის ატალანტასთან კონკურენციას აპირებენ.

თავის მხრივ, ინტერის ხელმძღვანელობა მზადაა პინამონტი დათმონ, თუ მის სანაცვლოდ 18-20 მილიონ ევროს მიიღებენ.

2021/2022 წლების სეზონში თავდამსხმელი იჯარით თამაშობდა ემპოლიში. ანდრეამ 37 შეხვედრაში მიიღო მონაწილეობა, 13 გოლი და 2 საგოლე გადაცემაც მიითვალა.