ინტერის მცველისთვის ინგლისის სამი ტოპ კლუბი იბრძოლებს.

ალესანდრო ბასტონიმ აქამდე მთელი კარიერა მშობლიურ იტალიაში გაატარა. მედიის ინფორმაციით, ინტერის მცველს ინგლისის პრემიერ ლიგაში ძალების მოსინჯვის შანსი აქვს.

La Gazzetta dello Sport-ის ცნობით, ბასტონი მანჩესტერ სიტის, მანჩესტერ იუნაიტედის და ტოტენჰემის რადარზეა. ინგლისური ტოპ-კლუბები მზად არიან მომავალ ზაფხულს ფეხბურთელისთვის იბრძოლონ.

ცნობილი პორტალი transfermarkt-ის ექსპერტები 23 წლის ალესანდრო ბასტონის 60 მილიონ ევროდ აფასებენ. ინტერში მცველმა 126 ოფიციალური მატჩი ჩაატარა, რომელშიც სამი გოლი გაიტანა და პარტნიორებს ცხრა საგოლე გადაცემა გაუკეთა.