ინტერის გულშემატკივრები კლუბის პრეზიდენტის გადადგომას ითხოვენ.

მილანის “ინტერის” გულშემატკივრები ამ სეზონში გუნდის თამაშით უკმაყოფილონი არიან და კლუბის პრეზიდენტის სტივენ ჟანგის გადადგომას ითხოვენ. ამის შესახებ FC Inter1908 იუწყება.

Curva Nord-ის გულშემატკივართა ასოციაციამ სოციალურ მედიაში გამოაქვეყნა მესიჯი პრეზიდენტის მიმართ, რომელშიც ნათქვამია: “ჟანგ, წადი”.

ინტერმა იტალიის ახალ სეზონი ცუდად დაიწყო. შვიდი ტურის შემდეგ, სიმონე ინძაგის გუნდი 12 ქულით მეშვიდე ადგილზეა.

მომდევნო მატჩს მილანური გუნდი შინ რომასთან გამართავს. თამაში 1 ოქტომბერს გაიმართება.