ინტერის ღირებულება 6 წელიწადში 150%-ით გაიზარდა.

როგორც ყოველ წელს, Football Benchmark-მა ევროპული კლუბების ღირებულების რეიტინგი გამოაქვეყნა. ინგლისური კლუბების დომინირება გრძელდება, მაგრამ ინტერის ღირებულებაც აგრძელებს ზრდას.

ყველაზე მეტად მადრიდის რეალი 3,1 მილიარდი ევროთი იყო შეფასებული, შემდეგ მოდის მანჩესტერ იუნაიტედი და ბარსელონა 2,8 მილიარდი ევროთი. ტოპ ათეულში იტალიიდან ერთადერთი კლუბი იუვენტუსია, რომელიც 1,597 მილიარდ ევროდ არის შეფასებული. „ინტერმა“ რეიტინგში მე-14 ადგილი დაიკავა 996 მილიონი ევროს ღირებულებით. ეს ნიშნავს, რომ კლუბის ღირებულება 2021 წელს 14%-ით გაიზარდა. 2016 წლიდან, როდესაც Suning-ის ეპოქა დაიწყო, კლუბის ღირებულება გაიზარდა 149,6%-ით (399 მილიონი ევროდან), რაც სიდიდით მეორე ზრდაა ევროპაში (პსჟ ფლობს პირველს).