ინტერი პორტოს წინააღმდეგ უეფაში საჩივარს ამზადებს.

მილანის “ინტერი” უეფა-ში საჩივარს შეიტანს, რადგან გუნდის გულშემატკივრებს ჩემპიონთა ლიგის 1/8 ფინალში “პორტოს” წინააღმდეგ საპასუხო მატჩში სტადიონზე შესვლის პრობლემა ჰქონდათ.

ეს არის ძალიან მოულოდნელი მომენტი. რა თქმა უნდა, პორტოს უეფა-ში ვუჩივლებთ. ჩვენ გვინდა გავიგოთ, რატომ მოხდა ეს. მატჩის წინ დაგვპირდნენ, რომ თამაშს ყველა ჩვენი გულშემატკივარი დაესწრება. თუმცა, ეს ასე არ მოხდა.

ჯუზეპე მაროტა

მას შემდეგ, რაც ინტერმა პირველ მატჩში 1-0 მოიგო, გუშინდელი ფრის წყალობით მილანის გუნდი მეოთხედფინალში გავიდა. ინტერის მომდევნო მეტოქე კენჭისყრის შედეგებით გამოვლინდება, რომელიც 17 მარტს გაიმართება.