ინტერი მხითარიანს ორწლიან კონტრაქტს სთავაზობს 3,5 მილიონი ევროს ანაზღაურებით.

“ინტერმა” რომის ნახევარმცველ ჰენრიხ მხითარიანს შესთავაზა ორწლიანი კონტრაქტი 3,5 მილიონი ევროს ანაზღაურებით, პლიუს პრემიები და აგენტებისთვის 2 მილიონი საკომისიო.

33 წლის სომეხ ნახევარმცველს რომასთან კონტრაქტი მიმდინარე წლის ივნისში ეწურება.

ბოლო შეხვედრაზე რომაული კლუბის ხელმძღვანელობამ მხითარიანს ერთწლიანი კონტრაქტი 3 მილიონი ევროს ოდენობით და კიდევ ერთი წლით გახანგრძლივების შესაძლებლობა შესთავაზა.

ამ სეზონში ნახევარმცველმა რომის მაისურით 44 მატჩი ჩაატარა, 5 გოლი გაიტანა და 9 საგოლე გადაცემა გააკეთა.