ინტერი მხითარიანის ტრანსფერს ოფიციალურად უახლოეს მომავალში გამოაცხადებს.

მილანის ინტერმა უახლოეს მომავალში ოფიციალურად უნდა გამოაცხადოს რომიდან ნახევარმცველი ჰენრიხ მხითარიანის ტრანსფერი. შეგახსენებთ, რომ სომეხმა ჟოზე მოურინიოს გუნდთან კონტრაქტის განახლებაზე უარი თქვა და ნერაძურებში გადასვლა გადაწყვიტა.

ჟურნალისტ ფაბრიციო რომანოს თქმით, მხითარიანის, როგორც ინტერის ფეხბურთელის ოფიციალური წარდგენა უახლოეს მომავალში უნდა მოხდეს. კონტრაქტი 2024 წლამდე გაფორმდება.

შეგახსენებთ, რომ ინტერი ასევე აწარმოებს მოლაპარაკებებს პაულო დიბალასთან, რომელიც იუვენტუსიდან წასვლის შემდეგ თავისუფალი აგენტის სტატუსშია. გარდა ამისა, ნერაძურებს სურთ ტორინოს მცველის გლეისონ ბრემერის შეძენა.