ინძაგი: “ჩვენი ფეხბურთელები საქმეს იდეალირად აკეთებენ”

ინტერის მწვრთნელმა სიმონე ინძაგიმ იტალიის ჩემპიონატის 28-ე ტურის მატჩში ბოლონიასთან გამარჯვებაზე ისაუბრა.

შეხვედრა მილანური კლუბის მინიმალური გამარჯვებით დასრულდა, მატჩის ერთადერთი გოლი იან-აურელ ბისეკმა გაიტანა.

მატჩის პირველ ტაიმში უპირატესობა გვქონდა, შემდეგ ბოლონიამ დაამტკიცა, რატომ არის ცხრილის ოთხეულში. ინტერი თავს დაღლილად გრძნობდა და მომავალ მატჩებზე ფიქრობდა. ჩვენი ფეხბურთელები საქმეს იდეალურად აკეთებენ, მაგრამ ვიცით, რომ წინ ჯერ კიდევ 10 ტურია.

სიმონე ინძაგი

ინტერი ლიდერობს იტალიის ჩემპიონატის სატურნირო ცხრილში მეორე ადგილზე მყოფ იუვენტუსთან დიდი სხვაობით. ინძაგის გუნდს 75 ქულა აქვს. ბოლონია 51 ქულით მეოთხე ადგილზეა.

13 მარტს, ჩემპიონთა ლიგის 1/8 ფინალის საპასუხო მატჩში ინტერი სტუმრად მადრიდის ატლეტიკოს დაუპირისპირდება. პირველ თამაშში მილანელთა გუნდმა ანგარიშით 1:0 მოიგო.