ინძაგი: “ჩვენ ვდომინირებთ, მაგრამ სკუდეტოზე საუბარი ნაადრევია”

ინტერის მთავარმა მწვრთნელმა სიმონე ინძაგიმ იტალიის ჩემპიონატის 23-ე ტურის მატჩში იუვენტუსთან (1:0) გამარჯვებაზე კომენტარი გააკეთა.

ჩვენ დავიმსახურეთ ეს მნიშვნელოვანი გამარჯვება, ეს მთელ გუნდს სურდა. ჩვენ ვაკონტროლებდით თამაშს და კმაყოფილი ვართ იმით, რაც მოედანზე გავაკეთეთ. თუმცა, სკუდეტოზე საუბარი ჯერ ნაადრევია, წინ დიდი გზაა. იუვენტუსი და მილანი იოლად არ დანებდებიან.
შესნიმ წარმოუდგენელი სეივი შეასრულა, მაგრამ დავინახე, რომ ჩემი გუნდი კონცენტრირებული იყო, მეტოქეს მხოლოდ ერთი კონტრშეტევის გაკეთების საშუალება მივეცით მთელი მატჩის განმავლობაში. ბიჭებმა ბოლო შვიდი თვის განმავლობაში დიდი სამუშაო გააკეთეს, ჩვენ უნდა გავაგრძელოთ იგივე სულისკვეთებით თამაში.

სიმონე ინძაგი

სერია A-ს სატურნირო ცხრილში 22 მატჩიდან 57 ქულით “ინტერი” ლიდერობს. იუვენტუსი 23 მატჩიდან 53 ქულით მეორე ადგილზეა.