იან ზომერი ინტერის ფეხბურთელია.

“ინტერმა” დაადასტურა მიუნხენის “ბაიერნიდან” შვეიცარიელი მეკარის, იან ზომერის შეძენა.

ფეხბურთელმა 3 წლიან კონტრაქტს მოაწერა ხელი. გავრცელებული ინფორმაციით, ინტერმა ბაიერნს 6 მილიონი ევრო გადაუხადა.

ძალიან მოტივირებული ვარ, რადგან ინტერი ყველაზე ცნობილი კლუბია ტრადიციებით. ეს ჩემთვის ახალი გამოწვევაა ჩემს კარიერაში, მოუთმენლად ველოდები ჯუზეპე მეაცას სტადიონის გაზონზე გასვლას, რათა შევიგრძნო მილანის ატმოსფერო. მოხარული ვარ, რომ აქ ვარ.

იან ზომერი

ზომერმა 2022/23 წლების სეზონში ბაიერნის შემადგენლობაში 25 მატჩი ჩაატარა, 31 გოლი გაუშვა და კარი 8 ჯერ მშრალად შეინახა. მისი კონტრაქტი 2025 წლის 30 ივნისამდე იყო გათვლილი.