იან ბისეკი ინტერის ახალი მოთამაშეა.

“ნერაძურის” პრესსამსახურის ცნობით, “ინტერმა” ორჰუსის მცველ იან ბისეკთან 5-წლიანი კონტრაქტი გააფორმა. პორტალმა Transfermarkt-მა ტრანსფერის თანხა 7 მილიონ ევროდ შეაფასა.

22 წლის გერმანელი კიოლნის აღზრდილია. დანიის ორჰუსის შემადგენლობაში მცველი 2021 წლიდან თამაშობს.

გასულ სეზონში გერმანიის ახალგაზრდული ნაკრების ფეხბურთელმა კლუბში 33 მატჩი ჩაატარა და 4 გოლი გაიტანა.