ჰაკან ჩალჰანოღლუს მატჩის შემდგომი კომენტარი [ინტერი 1-0 პორტო]

მილანის “ინტერმა” წარმატებით დაიწყო ჩემპიონთა ლიგის პლეი ოფში გამოსვლა, პირველ მატჩში იტალიურმა გუნდმა პორტუგალიური პორტო დაამარცხა. [1-0]

მატჩის საუკეთესო მოთამაშედ თურქი ნახევარმცველი ჰაკან ჩალჰანოღლუ აღიარეს, რის შემდეგაც მან განაცხადა, რომ მისთვის ინტერის მაისური ბევრს ნიშნავს.

ყველაფერს ვაკეთებ, რასაც ჩვენი მწვრთნელი ითხოვს. ყოველთვის ვცდილობ, ჩემი მაქსიმუმი გავაკეთო. ძალიან ბევრს ნიშნავს ჩემთვის ეს მაისური. ვმუშაობ და ვცდილობ წინსვლას.

ჰაკან ჩალჰანოღლუ

მივხვდით, რომ ადვილი არ იქნებოდა, რადგან მაღალი ხარისხის, ძლიერი მეტოქე დაგვიპირისპირდა. ძალიან სასიამოვნო იყო ჩვენი გულშემატკივრების წინაშე თამაში და ჩვენ ნამდვილად დავიმსახურეთ გამარჯვება. ჩვენ ყველას გვიხარია, რომ სწორედ ლუკაკუმ გაიტანა გოლი, მას ახლა სჭირდება ნდობა და მხარდაჭერა. 

ჰაკან ჩალჰანოღლუ