გოსენსი ინტერის ლაზარეთში აღმოჩნდა.

რობინ გოსენსი შეცვალეს ინტერის მონაკოსთან ამხანაგური მატჩის პირველი ნახევრის შემდეგ მარცხენა ბარძაყის კუნთის ტრავმის გამო. პრობლემა სერიოზულად არ განიხილება, მაგრამ გერმანელს მოუწევს წინასეზონის გარკვეული პერიოდის გამოტოვება, რამაც შეიძლება უარყოფითად იმოქმედოს ჩემპიონატის დაწყებისთვის მის მზადყოფნაზე, წერს Calcio Mercato.

2021/2022 წლების სეზონში რობინ გოსენსმა სულ მხოლოდ 17 მატჩი ჩაატარა ატალანტასა და ინტერში, რადგან მას ბარძაყის არეში პრობლემები ჰქონდა.

ახალი სეზონის პირველ ოფიციალურ მატჩს ინტერი 13 აგვისტოს გამართავს. ამ დღეს სიმონე ინძაგის გუნდი იტალიის სერია A-ს გახსნით ტურში ლეჩეს დაუპირისპირდება.