გოსენსი: “ინტერი დიდ გუნდს დაუპირისპირდა”

მილანის ინტერის მცველმა რობინ გოსენსმა ჩემპიონთა ლიგის ჯგუფური ეტაპის სასტარტო ტურში მიუნხენის ბაიერნთან შეხვედრის შთაბეჭდილებები გააზიარა. ნერაძური შინ 0-2 დამარცხდა.

პირველი ტაიმის შემდეგ გასახდელში ვისაუბრეთ და მეორე ტაიმის დასაწყისში კარგი 15 წუთი გავატარეთ. გოლის გატანა რომ შეგვეძლო, ყველაფერი სხვაგვარად განვითარდებოდა. მაგრამ ჩვენ არ გამოგვივიდა და მეტოქემ თავისი უპირატესობა გააძლიერა. “ინტერს” დაუპირისპირდა დიდი გუნდი, მსოფლიოში ერთ-ერთი საუკეთესო.

რობინ გოსენსი

მეორე ტურში “ინტერი” სტუმრად ჩეხურ “ვიქტორიას” დაუპირისპირდება.