ევერტონი ინტერის თავდამსხმელით დაინტერესდა.

მილანის ინტერის თავდამსხმელი ედინ ჯეკო ევერტონის სამიზნეა.

რომელუ ლუკაკუ იტალიურ კლუბს იჯარით შეუერთდა. იმის გათვალისწინებით, რომ გუნდს ლაუტარო მარტინესიც ჰყავს, ჯეკოს ახალ სეზონში დიდი სათამაშო წუთების იმედი არ აქვს. ამასთან დაკავშირებით, ბოსნიელის მიმართ ინტერესს ბევრი კლუბი იჩენს. Gazzetta dello Sport-ის ცნობით, მათ შორისაა ევერტონი.

ამ არასეზონში ბრიტანელებმა დაკარგეს მთავარი თავდამსხმელი რიჩარლისონი და ახლა ევერტონის მენეჯერი ფრენკ ლამპარდი ღირსეულ შემცვლელს ეძებს.

გასულ სეზონში ჯეკომ სერია A-ში 36 მატჩი ჩაატარა, 13 გოლი გაიტანა და 5 საგოლე გადაცემა გააკეთა.