დუმფრისი ევროპული გრანდების ინტერესით მოხიბლულია.

ინტერის ფეხბურთელმა დენზელ დუმფრისმა ისაუბრა ჭორებზე, რომლებიც მას სხვა ევროპულ გრანდებთან აკავშირებს. ჰოლანდიელ ფეხბურთელს პრესა ბაიერნში, მანჩესტერ იუნაიტედსა და ჩელსიში გადასვლას უწინასწარმეტყველებს.

რა თქმა უნდა, მე მოხარული ვარ ამ კლუბების ინტერესით, მაგრამ ახლა მე მხოლოდ ინტერზე ვარ ორიენტირებული. ჩვენ გვინდა სკუდეტოს მოგება, რადგან გასულ სეზონში ეს ვერ მოვახერხეთ.

დენზელ დუმფრისი

შეგახსენებთ, რომ დენზელ დუმფრისი “ინტერში” გასული ზაფხულიდან თამაშობს. მილანურმა კლუბმა ჰოლანდიელი პსვ-დან იყიდა. მას შემდეგ დუმფრისმა ინტერის მაისურით 54 მატჩი ჩაატარა, შვიდი გოლი გაიტანა და რვა საგოლე გადაცემა გააკეთა.