დიეგო მილიტო საუბრობს ლაუტაროზე, ლუკაკუზე, ინტერზე და მოურინიოზე

დიეგო მილიტო თვლის, რომ ინტერს გაუმართლა რომ ყავს ლაუტარო მარტინესი, რომელმაც ბოლო პერიოდში ბევრი მნიშვნელოვანი გოლი გაიტანა.

ლაუტაროზე ნამდვილი ნადირობა იყო. ატლეტიკოს ის სურდა, მაგრამ კლუბის პრეზიდენტს ვუთხარი, რომ ძანეტის დაველაპარაკებოდი. ჩვენ ვისაუბრეთ, მივხვდი, რომ ინტერს ის სურდა და ჩვენ შევძელით გარიგება. რასინგმა მიიღო ის თანხა, რაც ლაუტაროსთვის სურდა.

დიეგო მილიტო

დიეგო მილიტომ ბელგიელ თავდამსხმელ რომელუ ლუკაკუსთან დაკავშირებით შექმნილ ვითარებაზეც კომენტარი გააკეთა, რომელიც ძალიან დიდი ხნის განმავლობაში ვერ გამოირჩეოდა, მაგრამ ეს ბოლო ტურში გააკეთა. მილიტო თვლის, რომ ლუკაკუ ფიზიკურ ნაკლოვანებებს განიცდის და ამაზე უნდა იმუშაოს.

მას სხეულზე და ფიზიკურ ფორმაზე მუშაობა სჭირდება. ის დიდი თავდამსხმელია, გუნდისთვის ძალიან მნიშვნელოვანი პიროვნებაა. წარსულში მან ბევრი რამ გააკეთა ამ კლუბისთვის. წელს, ვხედავ, მას ფიზიკური სირთულეები უშლის ხელს. მას მეტი დრო სჭირდება საუკეთესო ფორმის დასაბრუნებლად.

დიეგო მილიტო

დიეგო მილიტო, რომელმაც ორი გადამწყვეტი გოლი გაიტანა ჩემპიონთა ლიგის 2009/2010 წლების დასამახსოვრებელ ფინალში, თვლის, რომ ინტერს აქვს წარმატებული ჩემპიონატი სერია A-ში ნაპოლისთან დიდი სხვაობის მიუხედავად. მილიტო ამას უფრო ნაპოლის დამსახურებად მიიჩნევს, ვიდრე ინტერის წარუმატებლობად.

ინტერი კარგად მუშაობს, წინ მხოლოდ ნაპოლია, რომელიც უპრეცედენტო სეზონს ატარებს. ეს უფრო ნაპოლის დამსახურებაა, ვიდრე ინტერის ნაკლი. მეორე ადგილი სერია A-ში, თასის ნახევარფინალი, ჩემპიონთა ლიგა. “ინტერი” მოქმედებაში.

დიეგო მილიტო

დიეგო მილიტომ სამუდამოდ ჩაიწერა თავისი სახელი მილანის ინტერის დიდების ისტორიის წიგნში 2010 წლის ჩემპიონთა ლიგის ფინალში ბაიერნის წინააღმდეგ ორი გოლის გატანით. ამ გამარჯვებამ დაგვირგვინა მშვენიერი სეზონი, რომელშიც ჟოზე მოურინიოს ხელმძღვანელობით გუნდმა მოიგო არა მხოლოდ ჩემპიონთა ლიგა, არამედ იტალიის ჩემპიონატიც, ასევე თასი – ჯოზეს გუნდი გახადა ის, რასაც “ტრებლი” ჰქვია.

საოცნებო სეზონი იყო. შესანიშნავი გუნდი ბევრი შესანიშნავი ფეხბურთელით. მოურინიო იყო აბსოლუტურად საუკეთესო. ის იყო ფუნდამენტური ფიგურა იმ წარმატებებში.

დიეგო მილიტო