ცნობილი გახდა, როდის დაბრუნდება ლუკაკუ ინტერში.

რომელუ ლუკაკუმ ვერ შეძლო კარგად თამაში ჩელსიში ტომას ტუხელის ხელმძღვანელობით და ახლა ბელგიელი თავდამსხმელი ინტერში დაბრუნებისთვის ემზადება. Sport Mediaset-ის ცნობით, ლუკაკუ მილანში ოთხშაბათს, 29 ივნისს ჩამოვა. ამ დღეს ფეხბურთელი სამედიცინო შემოწმებას გაივლის და თუ პრობლემა არ გამოვლინდა, კონტრაქტს მოაწერს ხელს.

ინტერი იჯარაში 8 მილიონ ევროს გადაიხდის, ჩელსის კი ბონუსების სახით კიდევ 4 მილიონის მიღება შეუძლია.

29 წლის ბელგიელი თავად დათანხმდა ხელფასის 12-დან 8 მილიონ ევრომდე შემცირებას.

რომელუ ლუკაკუ “ინტერში” 2019 წლიდან 2021 წლამდე თამაშობდა. ბელგიელი დაეხმარა ნერაძურის 11-წლიანი პაუზის შემდეგ იტალიის ჩემპიონები გამხდარიყვნენ.