ცნობილი გახდა, რა შემთხვევაში გაუშვებს ინტერი ინძაგის გუნდიდან.

ინტერი ჯერ არ გეგმავს სამწვრთნელო ცვლილებებს, მაგრამ ხელმძღვანელობის ნდობა სიმონე ინძაგის მიმართ, შესაძლოა, უახლოეს მომავალში დაიკარგოს.

“ნერაძურის” ხელმძღვანელები სერიოზულად განიხილავენ მეთაურის გადადგომას, თუ ის სიტუაციის გამოსწორებას ვერ შეძლებს ნოემბრის შუა რიცხვებამდე, როდესაც საკლუბო ფეხბურთი ყატარის მსოფლიო ჩემპიონატთან დაკავშირებით შეჩერდება, იუწყება La Gazzetta dello Sport. ამ დროისთვის, ინტერი მიიჩნევს, რომ 46 წლის მენტორს შეუძლია გუნდთან ერთად მიაღწიოს წარმატებას, მიუხედავად გაურკვეველი სტარტისა.

ინტერი სერია A-ს ლიდერ ნაპოლის ხუთი ქულით ჩამორჩება. ჩემპიონთა ლიგაში მილანელებმა ჯგუფური ეტაპის ორი ტურის შემდეგ სამი ქულა დააგროვეს, ბაიერნთან დამარცხდნენ, მაგრამ სტუმრად ჩეხური ვიქტორია დაამარცხეს.