ცნობილი გახდა მილანისა და ინტერისთვის ახალი სტადიონის პროექტის დეტალები. The Cult of Calcio-ს ცნობით, კლუბები გეგმავენ ახალი არენის აშენებას არა სან სიროს ადგილზე, არამედ მილანის გარეთ.

ამასთან, მხარეებმა გამოთქვეს უკმაყოფილება პროექტის გაჭიანურების გამო.

მე ველოდი უფრო სწრაფ პროცესს იმის გათვალისწინებით, თუ სად ვართ. პროექტში ყველა მონაწილეობს და არა მხოლოდ გუნდები და გულშემატკივრები. სამწუხაროდ, ბიუროკრატია არ აადვილებს საქმეს იტალიაში.

პაოლო საკი

დიდი ენთუზიაზმით დავიწყეთ, მაგრამ მივხვდით, რომ იტალიური სისტემა არ უწყობს ხელს ინფრასტრუქტურის მშენებლობას, განსაკუთრებით სპორტის. ჩვენ ვითხოვდით ამ საკითხზე ახალი კანონის მიღებას, მაგრამ შეფერხებები იყო. ჩვენ გვინდა დავიცვათ წესები, მაგრამ ამ მძიმე სიტუაციის მიღება ინვესტორებისთვის რთულია. ჩვენ ჯერ კიდევ ველოდებით საბოლოო ვერდიქტს.

ალესანდო ანტონელი

სან სიროს სტადიონი გაიხსნა 1926 წელს. დაარსების დღიდან მხოლოდ მილანს აქვს ჩატარებული საშინაო მატჩები. 1955 წელს არენას რეკონსტრუქცია ჩაუტარდა და მასზე თამაში ინტერმაც დაიწყო. 1979 წელს სტადიონს ეწოდა ჯუზეპე მეაცა, 1934 და 1938 წლების მსოფლიო ჩემპიონისა და თავდამსხმელის პატივსაცემად, რომელიც თამაშობდა ორივე მილანურ კლუბში.