ალეგრი: “ინძაგი დიდი მწვრთნელია”

იუვენტუსის მეთაურმა მასიმილიანო ალეგრიმ სიმონე ინძაგისა და ინტერზე ისაუბრა.

სერია A-ს 27-ე ტურის მატჩში, რომელიც 19 მარტს გაიმართება, “ნერაძურები” შინ ტურინელ სტუმრებს უმასპინძლებენ.

ინძაგი დიდი მწვრთნელია, ის შთამბეჭდავ საქმეს აკეთებს ინტერში. რთული იქნება მოგება. სეზონის დასრულებამდე ჯერ კიდევ ბევრი დრო რჩება, ბევრი ქულის დაგროვება გვჭირდება. ვნახოთ, სად მივალთ.

მასიმილიანო ალეგრი

ამ დროისთვის ინტერი სერია A-ში 50 ქულით მეორეა, იუვენტუსი 38 ქულით მეშვიდეა (15 ქულის ჯარიმის ჩათვლით).