2006 წლის შემდეგ პირველად სერია A-ს სამი კლუბი ჩემპიონთა ლიგის მეოთხედფინალში ითამაშებს.

ნაპოლი გახდა მესამე იტალიური კლუბი, რომელიც ამ სეზონში ჩემპიონთა ლიგის მეოთხედფინალში გავიდა.

მანამდე მილანი და ინტერი ჩემპიონთა ლიგის მეოთხედფინალში გავიდნენ. ამგვარად, Opta-ს ცნობით, 2006 წლის შემდეგ პირველად, ტურნირის ამ ეტაპზე სერია A-დან სამი კლუბი ითამაშებს, მაშინ ეს იყო ასევე ინტერი და მილანი, მესამე კი იუვენტუსი.

შეგახსენებთ, რომ ჩემპიონთა ლიგის 1/4 ფინალის წილისყრა 17 მარტს 13:00 საათზე გაიმართება. პირველი მატჩები – 11-12 აპრილს, განმეორებითი – 18-19 აპრილს.