ლაუტარო მარტინესმა „ინტერის“ ისტორიაში კიდევ ერთი რეკორდი დაამყარა.

„ინტერისა“ და „კალიარის“ დაპირისპირება ლაუტარო მარტინესის სწრაფი გოლით დაიწყო. არგენტინელმა თავდამსხმელმა უკვე მეცხრე წუთზე შეაგდო ბურთი მეტოქის კარში და „ნერაძურის“ წინ გაიყვანა. ესგოლი 28 წლის ფეხბურთელისთვის სერია A-ში „ინტერის“ მაისურით 117-ე აღმოჩნდა.

Opta-ს სტატისტიკის მიხედვით, მარტინესმა სანდრო მაცოლას გადაასწრო და სერია A-ში „ინტერის“ ბომბარდირთა რეიტინგში მეხუთე პოზიციაზე გადაინაცვლა.

ტოპ-სია შემდეგნაირად გამოიყურება:

• ჯუზეპე მეაცა — 197 გოლი
• ბენიტო ლორენცი — 138 გოლი
• იშტვან ნიერსი — 133 გოლი
• ალესანდრო ალტობელი — 128 გოლი
• ლაუტარო მარტინესი — 117 გოლი

მარტინესი მიმდინარე სეზონშიც აგრძელებს შედეგიან თამაშს და „ინტერის“ ერთ-ერთ უმთავრეს ლიდერად რჩება.

The post ლაუტარო სერია A-ს ისტორიაში ინტერის მეხუთე საუკეთესო ბომბარდირი გახდა appeared first on intermilano.ge.

„ინტერის“ მთავარმა მწვრთნელმა კრისტიან კივუმ სერია A-ს „კალიარისთან“ გამარჯვების (2:0) შემდეგ კომენტარი გააკეთა. „ნერაძურიმ“ სამი ქულა ლაუტარო მარტინესისა და ფრანჩესკო პიო ესპოზიტოს მიერ მე-9 და 82-ე წუთებზე გატანილი გოლების წყალობით მოიპოვა.

კალიარიმ ტაქტიკური ცვლილებით ცოტა გაგვაკვირვა, თუმცა ჩვენი პრინციპები იგივე დარჩა და ადრეული გოლის გატანაც შევძელით. უფრო ადრე გვქონდა შესაძლებლობა, რომ ლიდერობა კიდევ უფრო გაგვემტკიცებინა, მაგრამ მომენტები ვერ გამოვიყენეთ და მეტოქეს ცოტა იმედი მივეცით. საბედნიეროდ, საბოლოოდ მოვახერხეთ გამარჯვება და ბედნიერი ვარ.

ხუთი ტურის შემდეგ ინტერს 9 ქულა აქვს და ამჟამად სატურნირო ცხრილში მეხუთე ადგილზე იმყოფება.

The post კივუმ ინტერის ზედიზედ მესამე გამარჯვებაზე კომენტარი გააკეთა appeared first on intermilano.ge.

„ინტერმა“ მთავარ მწვრთნელად კრისტიან ჩივუს დანიშვნის შესახებ განაცხადა.

44 წლის რუმინელმა სპეციალისტმა კონტრაქტი 2027 წლის ზაფხულამდე გააფორმა.

„კრისტიან კივუ თავისი ისტორიის მესამე თავს „ნერაძურისთან“ ერთად იწყებს. ამას აკეთებს იმ ღირებულებებით, რომლებიც ყოველთვის ხელმძღვანელობდა მას: ერთგულება, თავგანწირვა და დაუღალავი შრომის ეთიკა“, – ნათქვამია მილანური კლუბის განცხადებაში.

კივუ „პარმაში“ 2025 წლის თებერვლიდან მუშაობდა. მისი ხელმძღვანელობით გუნდმა სერია A-ში 13 მატჩი ჩაატარა, 3 მოიგო, 7-ჯერ ფრედ ითამაშა და 3 წააგო. სპეციალისტი ასევე 2018 წლიდან 2024 წლამდე სხვადასხვა ასაკობრივი ჯგუფის „ინტერის“ გუნდებს წვრთნიდა.

2007 წლიდან 2014 წლამდე კივუ „ინტერში“ ფეხბურთელის რანგში თამაშობდა. მან გუნდში 169 მატჩი ჩაატარა, 3 გოლი გაიტანა და 8 საგოლე გადაცემა გააკეთა. „ინტერთან“ ერთად რუმინელი სამჯერ გახდა იტალიის ჩემპიონი, ორჯერ მოიგო იტალიის თასი და ერთხელ ჩემპიონთა ლიგა.

The post კრისტიან კივუ ინტერის ახალი მთავარი მწვრთნელია appeared first on intermilano.ge.

ინტერმა“ „დინამო ზაგრების“ ნახევარმცველ პეტარ სუჩიჩთან კონტრაქტი გააფორმა, იტყობინება „ნერაძურის“ პრესსამსახური.

21 წლის ხორვატთან ხელშეკრულება 2030 წლის ზაფხულამდეა გათვლილი. პორტალმა Transfermarkt-მა გარიგება 14 მილიონ ევროდ, პლუს ბონუსები შეაფასა, რაც, ინსაიდერ ფაბრიციო რომანოს თქმით, დამატებით 2.5 მილიონ ევროს შეადგენს.

2024/25 წლების სეზონში სუჩიჩმა 32 მატჩი ჩაატარა, 7 გოლი გაიტანა და 4 საგოლე გადაცემა გააკეთა.

The post პეტარ სუჩიჩი ინტერის ფეხბურთელია appeared first on intermilano.ge.

ინძაგიმ „ინტერის“ მთავარი მწვრთნელის თანამდებობა დატოვა. ის ახლო აღმოსავლეთში მიემგზავრება, სადაც სამ წელიწადში 75 მილიონ ევროს გამოიმუშავებს.

ჩემპიონთა ლიგის ფინალამდე ცოტა ხნით ადრე, იტალიელმა ჟურნალისტებმა გიჟური სიახლე გაავრცელეს. “ინძაგი მზადაა დატოვოს „ინტერი“ საუდის არაბეთიდან მიღებული გულუხვი შეთავაზების გამო.” 49 წლის სპეციალისტი ყველანაირად გაურბოდა ამ თემაზე კითხვებს მიუნხენში სასტარტო სასტვენამდე, ხოლო მარცხის შემდეგ ჭორები დადასტურდა – სიმონე სამშობლოს ტოვებს და „ალ-ჰილალის“ ხელმძღვანელობისთვის ემზადება.

კლუბისა და სიმონე ინძაგის გზები შორდება. ეს გადაწყვეტილება ორმხრივი შეთანხმებით მიიღეს. ინძაგის ეპოქა „ინტერში“ გულშემატკივრებს, ფეხბურთელებს, მენეჯერებსა და პერსონალს დიდი ვნებით, პროფესიონალიზმითა და თავდადებით დაამახსოვრდებათ.

როგორც ჩანს, იტალიელი ახალი კლუბის სათავეში პირველ მატჩს 18 ივნისს, აშშ-ში გასამართ კლუბების მსოფლიო ჩემპიონატზე, რეალ მადრიდის წინააღმდეგ ჩაატარებს.

სიმონემ „ინტერში“ შესანიშნავი სამუშაო გაწია და ანტონიო კონტეს წასვლის შემდეგ გუნდი გამოაცოცხლა. ოთხ წელიწადში მან სკუდეტოს, იტალიის ორი თასის და სამი სუპერთასის მოგება მოახერხა. შეიძლებოდა მეტიც ყოფილიყო: 2021/22 წლების სეზონში მათ პირველი ადგილი „მილანთან“ წააგეს, ძირითადად სათადარიგო მეკარე იონუტ რადუს შეცდომის გამო ბოლონიასთან. გასულ თვეში კი თასი კონტეს „ნაპოლისთან“ წააგეს, მხოლოდ ერთი ქულის ჩამორჩენით.

ინძაგის ხელმძღვანელობით, შავ-ლურჯებმა ბოლო სამი წლის განმავლობაში ორჯერ გავიდნენ ჩემპიონთა ლიგის ფინალში.

The post სიმონე ინძაგის ერა ინტერში დასრულდა appeared first on intermilano.ge.

ინტერის ფორვარდი ხოაკინ კორეა ბოტაფოგოს თავისუფალი აგენტის სტატუსით შეუერთდება, იუწყება Globo .

წყაროს ცნობით, 30 წლის არგენტინელმა ბრაზილიურ კლუბთან ორწლიანი კონტრაქტი გააფორმა.

კორეამ გასულ სეზონში „ინტერის“ რიგებში 22 მატჩში ორი გოლი გაიტანა და ოთხი საგოლე გადაცემა გააკეთა. ის მილანურ კლუბს 2022 წელს „ლაციოდან“ 27 მილიონი ევროს სანაცვლოდ გადავიდა.

The post ინტერის თავდამსხმელი კორეა ბოტაფოგოს შეუერთდება appeared first on intermilano.ge.

ჩემპიონთა ლიგის ნახევარფინალში ინტერი ბარსელონას დაუპირისპირდება. ამ დაპირისპირებაზე ცნობილმა იტალიელმა მწვრთნელმა ფაბიო კაპელომ ისაუბრა.

როცა ინტერმა ტრიპლეტი მოიგო, მესი გააჩერა, მათ შეუძლიათ იამალის შეჩერებაც. ნათელია, რომ ინძაგი არ დაუშვებს იამალს და რაფინიას მის წინ ბევრი სივრცე ჰქონდეთ. “ბარსელონას” ვარსკვლავები ზედმეტად კარგები არიან ღია თამაშში გაჩერებისთვის, ლევანდოვსკი კი მკვლელია საჯარიმოში. ყველაზე რთული ამოცანა ნახევარდაცვაში იქნება. პედრისა და დე იონგის კლასი ბარელას, ჩალანოღლუსა და მხითარიანის ხარისხისა და დინამიკის წინააღმდეგ. ბარსელონას ორი ნახევარმცველი ძალიან კარგად ახერხებს დაცვიდან შეტევაზე გადასვლას. მაგრამ არჩევანის გაკეთება რომ მომიწიოს, ინტერის ნახევარმცველებს ავირჩევდი. “ევროპის რამდენიმე გუნდს შეუძლია დაიკვეხნოს ასეთი კარგად ორგანიზებული ნახევარდაცით.

The post კაპელო: “ინტერმა თავის დროს მესი შეაჩერა და ახლა იამალსაც გააჩერებენ” appeared first on intermilano.ge.

ნიკოლო ბარელას წარუმატებელი მიდგომის შემდეგ, ალ-ჰილალი მზად არის უზარმაზარი შეთავაზება გაუკეთოს მილანის ინტერის მწვრთნელს, სიმონე ინძაგის.

ამის შესახებ მილანის გაზეთ Gazzetta dello Sport-ის დღევანდელი ბეჭდვითი გამოცემა FCInterNews-ის საშუალებით იტყობინება. ისინი აცხადებენ, რომ საუდის კლუბს შეუძლია ინძაგის შესთავაზოს 20 მილიონი ევრო ყოველ სეზონში ხელფასის სახით.

ალ-ჰილალს შეუძლია ინძაგის შესთავაზოს თავისი ყოფილ ფეხბურთელთან სერგეი მილინკოვიჩ-სავიჩთან გაერთიანება, სხვა საკითხებთან ერთად.

საუდის არაბეთის პრო ლიგის კლუბს, რა თქმა უნდა, შეუძლია 49 წლის მწვრთნელის შემოსავალი მკვეთრად გაზარდოს. ისინი მზად არიან შესთავაზონ მას 20 მილიონი ევროს წმინდა ხელფასი სეზონში.

მაგრამ იმავდროულად, ინტერის პრეზიდენტმა ბეპე მაროტამ გამოთქვა რწმენა, რომ ინძაგის ახალი კონტრაქტის გაოფიციალურება მხოლოდ ფორმალობაა.

The post ალ-ჰილალი ინძაგის გადაბირებას ცდილობს appeared first on intermilano.ge.

მილანის ინტერმა კლუბის ფრანგი თავდამსხმელის მარკუს ტურამის ჯანმრთელობის მდგომარეობასთან დაკავშირებით განცხადება გაავრცელა. 16 აპრილს ფორვარდმა ჩემპიონთა ლიგის მეოთხედფინალურ მატჩში ბაიერნთან (2:2) მთელი 90 წუთი ითამაშა.

“მარკუს ტურამს სამედიცინო შემოწმება დღეს დილით ჩაუტარდა. ტესტებმა გამოავლინა მარცხენა ბარძაყის შემაერთებელი კუნთების ფუნქციური გადაძაბვა. მის მდგომარეობას დღითი დღე შეაფასებენ”.

ტურამმა მიმდინარე სეზონში ყველა ტურნირზე 44 მატჩი ჩაატარა, 17 გოლი გაიტანა და 9 საგოლე გადაცემა გააკეთა. ფეხბურთელის ამჟამინდელი შრომითი კონტრაქტი კლუბთან 2028 წლის ზაფხულამდეა. Transfermarkt-ის პორტალზე მოწოდებული ინფორმაციის მიხედვით, ფეხბურთელის საბაზრო ღირებულება 75 მილიონი ევროა.

The post ინტერი მარკუს ტურამის მდგომარეობაზე განცხადებას ავრცელებს appeared first on intermilano.ge.

ინტერის კაპიტანმა ლაუტარო მარტინესმა ჩემპიონთა ლიგის მეოთხედფინალის ბაიერნთან საპასუხო მატჩის შემდეგ (2:2) კომენტარი გააკეთა.

“ეს თამაში დიდხანს გვემახსოვრება! “ინტერი” არასდროს ნებდება: ჩვენ გვაქვს ხასიათი, გული და თავი. გავუძელით, მაგრამ კიდევ ერთხელ ვაჩვენეთ, რომ დიდი რამის უნარი გვაქვს.

ნახევარფინალი ბარსელონასთან?

წინ სერიოზული დაპირისპირება გველის დიდ მეტოქესთან. ბარსელონას ჩემპიონთა ლიგაზე საამაყო ისტორია აქვს. მაგრამ ახლა შიდა ჩემპიონობაზე ვართ ორიენტირებული. მათზე ფიქრის დრო შემდეგ გვექნება“

ორი მატჩის საერთო ანგარიშით, ინტერი ჩემპიონთა ლიგის ნახევარფინალში გავიდა, სადაც ბარსელონას დაუპირისპირდება. პირველი მატჩი 29 აპრილს ესპანეთში, საპასუხო მატჩი კი 6 მაისს იტალიაში გაიმართება.

The post ლაუტარო: “ინტერი არასოდეს ნებდება: ჩვენ გვაქვს ხასიათი, გული და თავი” appeared first on intermilano.ge.