შაბათს, იტალიის ჩემპიონატის მერვე ტურის მატჩში ინტერმა ბოლონიასთან ფრედ (2:2) ითამაშა. ნერაძურის თავდამსხმელმა ლაუტარო მარტინესმა თავისი გუნდის ერთ-ერთი გოლი გაიტანა. არგენტინელისთვის ეს გოლი სერია A-ს ამ სეზონში მე-10 იყო.

Opta-ს ცნობით, მარტინესი გახდა მესამე მოთამაშე ინტერის ისტორიაში, რომელმაც სეზონის დასაწყისში იტალიის ლიგის პირველ რვა მატჩში 10 ან მეტი გოლი გაიტანა. 

ადრე ეს შედეგი დაფიქსირა ანტონიო ანჯელილომ (1958/1959 სეზონი) და ლეგენდარულმა ჯუზეპე მეაცამ (1935/1936 სეზონი).

The post ლაუტარო მარტინესმა ინტერის ლეგენდების შედეგი გაიმეორა. appeared first on intermilano.ge.

პორტალმა Transfermarkt-მა მოამზადა ყველაზე მონახულებადი საფეხბურთო არენების რეიტინგი, სადაც ევროპის ხუთი უძლიერესი ჩემპიონატის კლუბები თამაშობენ საშინაო მატჩებს – პრემიერ ლიგის, ლა ლიგის, ბუნდესლიგის, ლიგა 1-ის და სერია A-ს გუნდები.

პირველ ადგილზეა ბარსელონას არენა – კამპ ნოუ, მისი საშუალო დასწრება ამ სეზონში 81 969 ადამიანია. მეორე ადგილზე დორტმუნდის ბორუსიას არენა სიგნალ იდუნა პარკია. მას ყოველ მატჩში საშუალოდ 80 450 ადამიანი ესწრება. მესამე ადგილზე შესამჩნევი ჩამორჩენით მიუნხენის ალიანს არენაა, სადაც ბაიერნი თავის მატჩებს ატარებს – მატჩში საშუალოდ 75 005 ადამიანი.

მეოთხე ადგილზეა ოლდ ტრაფორდი – მანჩესტერ იუნაიტედის არენაზე – 73 167 მაყურებელი თითოეულ მატჩზე. ხუთეულს ხურავს მილანის არენა – ჯუზეპე მეაცა (სან სირო) – 71 133 მაყურებელი, ინტერის მატჩებს იმავე სტადიონზე ცოტათი ნაკლები – 68 694 ადამიანი ესწრება.

The post ევროპის ყველაზე მონახულებადი საფეხბურთო არენების რეიტინგი appeared first on intermilano.ge.

The post რონალდო, მოურინიოს მებრძოლები და იტალიელი გენიოსები: ინტერის 10 საუკეთესო მოთამაშე appeared first on intermilano.ge.

პიერო კამპელი (1910-1928, 179 მატჩი ეროვნულ ჩემპიონატში).

გუნდური მიღწევები: იტალიის ჩემპიონი (2).

დაიბადა 1893 წელს მილანში. 18 წლის განმავლობაში მეკარედ მოქმედებდა და გუნდის ფერებს იცავდა. თავისი დროის ერთ-ერთი საუკეთესო მეკარე. მილანური კლუბის პირველი ვარსკვლავი. გამოირჩეოდა იმით, რომ ერთ-ერთი პირველი იყო, ვინც ბურთების დაჭერა დაიწყო და არ დაარტყა. მიიღო მეტსახელი “ცხვირი”. გარდაიცვალა 1946 წელს მილანში.

ლუიჯი ჩევენინი (1912-1915 და 1919-1927 წწ. 190 მატჩი – 158 გოლი ეროვნულ ჩემპიონატში). 

გუნდური მიღწევები: იტალიის ჩემპიონი (2).

პირადი მიღწევები: იტალიის ჩემპიონატის საუკეთესო ბომბარდირი 1920 და 1921 წლებში.

დაიბადა 1895 წელს მილანში. წარმოადგენს ხუთი ძმა ჩევენინის საფეხბურთო დინასტიას. ინტერის პირველი ბომბარდირი. გამორჩეულია დარტყმით და შეუჩერებელია მოწინააღმდეგის კარზე შეტევისას. მიიღო მეტსახელი „ზიზი“. გარდაიცვალა 1968 წელს.

ლეოპოლდო კონტი (1919-1920 და 1922-1931 წწ. 254 მატჩი – 75 გოლი ეროვნულ ჩემპიონატში). 

გუნდური მიღწევები: იტალიის ჩემპიონი (2).

დაიბადა 1901 წელს მილანში. თავისი დროის მილანური კლუბის ერთ-ერთი ყველაზე ცნობილი და პოპულარული მოთამაშე. კლუბის მთავარი თავდამსხმელი. სათამაშო კარიერა იტალიურ პრო პატრიაში დაასრულა. გარდაიცვალა 1970 წელს მილანში.

არმანდო კასტელაცი (1923-1936, 261 მატჩი – 16 გოლი). 

გუნდური მიღწევები: იტალიის ჩემპიონი.

ინტერის (მილანის) მთავარი მწვრთნელი -1936-1938 წწ.

გუნდური მიღწევები: იტალიის ჩემპიონი.

დაიბადა 1904 წელს მილანში. ნახევარმცველი, თავისი დროის მილანური კლუბის ერთ-ერთი ლიდერი. საინტერესოა, რომ ინტერის გარდა, ის არსად არ უმუშავია მთავარ მწვრთნელად. გარდაიცვალა 1968 წლის 4 იანვარს მილანში.

ჯუზეპე მეაცა (1927-1940 და 1946-1947 წწ. 365 მატჩი – 247 გოლი).

გუნდური მიღწევები: იტალიის ჩემპიონი (3), ეროვნული თასის მფლობელი, მიტროპის თასის ფინალისტი.

პირადი მიღწევები: ეროვნული ჩემპიონატის საუკეთესო ბომბარდირი 1929, 1930 და 1936 წლებში, კლუბის რეკორდსმენი ჩემპიონატში გოლების რაოდენობით, იტალიის ფეხბურთის დიდების დარბაზის წევრი.

ინტერის (მილანის) მთავარი მწვრთნელი -1947-1948 და 1955-1956 წწ.

დაიბადა 1910 წელს მილანში. სათამაშო კარიერის დასაწყისში ის მცხობლად მუშაობდა. იტალიური ფეხბურთის ერთ-ერთი საუკეთესო თავდამსხმელი. გამოირჩეოდა ტექნიკით, ხრიკით და ნებისმიერი პოზიციიდან ზუსტი დარტყმით. მის სახელს ატარებს მილანის სან სიროს სტადიონი. მიიღო მეტსახელები “პეპინო” და “ტყვია”. გარდაიცვალა 1979 წელს.

პიეტრო სერანტონი (1928-1934 წწ. 150 მატჩი – 55 გოლი ეროვნულ ჩემპიონატში). 

გუნდური მიღწევები: იტალიის ჩემპიონი.

დაიბადა 1906 წელს ვენეციაში. 1934 წელს გადავიდა ტურინის იუვენტუსში, სადაც მენისკის ტრავმა მიიღო. მეტსახელად “ტონი”. გარდაიცვალა 1964 წლის 6 ოქტომბერს რომში თავის ტვინის სიმსივნით.

ატილიო დე მარია (1931-1936 და 1938-1943 წწ. 268 მატჩი – 76 გოლი ეროვნულ ჩემპიონატში). 

გუნდური მიღწევები: იტალიის ჩემპიონი, ეროვნული თასის მფლობელი, მიტროპის თასის ფინალისტი.

დაიბადა 1909 წელს ბუენოს აირესში. არგენტინელი, რომელმაც 1932 წელს მიიღო იტალიის მოქალაქეობა. 1936 წლიდან 1938 წლამდე ის არგენტინაში გამოდიოდა, იტალიის ჯარში გაწვევის შიშით. გარდაიცვალა 1990 წლის 11 ნოემბერს არგენტინაში.

The post ინტერ / ამბროსიანა: როგორ დაიწყო ეს ყველაფერი (კლუბის პირველი ვარსკვლავები) appeared first on intermilano.ge.

“მე ყოველთვის ვლაპარაკობ დიბალას სახელით,მინდა მისი ხილვა ინტერში. ის ნამდვილად ძლიერია. თუმცა ინტერს ცენტრალური თავდამსხმელი უფრო სჭირდება.

მასიმო მორატი

მილანის და ინტერის სტადიონი სესტო სან ჯოვანის რეგიონში ?

ეს შესანიშნავი ადგილია, მაგრამ თუ გუნდები ლოკაციის შეცვლას გადაწყვეტენ, ქალაქისთვის ძალიან ცუდი იქნება.

მასიმო მორატი

„ისეთი ისტორიული სტადიონის მიტოვება, როგორიც ჯუზეპე მეაცაა, ძალიან სამწუხარო იქნებოდა. როდესაც შენ მას სტუმრობ, იქ ფეხბურთის ისტორია იგრძნობა.“

მასიმო მორატი

მან ასევე განაცხადა, რომ კვლავ ინარჩუნებს ურთიერთობას კლუბის ყოფილ მთავარ მწვრთნელთან, ჟოზე მოურინიოსთან.

“მას ახლაც ველაპარაკები ხანდახან, იმედი მაქვს ყველაფერი გამოუვა, გარდა აღდგომის შემდეგ “ინტერთან” მატჩისა.

მასიმო მორატი

The post მორატი: მირჩევნია დიბალა, მაგრამ ინტერს სჭირდება ცენტრფორვარდი appeared first on intermilano.ge.