ავტორიტეტულმა პორტალმა transfermarkt-მა განაახლა იტალიის სერია A-ში ზოგიერთი მოთამაშის სავარაუდო ღირებულებები. ახლა იტალიის ჩემპიონატში ყველაზე ძვირადღირებული მოთამაშეები ნაპოლის წარმომადგენლები არიან. საუბარია ფორვარდ ვიქტორ ოსიმენზე 100 მილიონი ევროთი და ნახევარმცველ ხვიჩ კვარაცხელიაზე 85 მილიონი ევროთი. ადრე ოსიმენი 70 მილიონ ევროდ ფასდებოდა, კვარაცხელია კი – 60 მილიონ ევროდ.

მესამე ადგილს ინაწილებენ ინტერის ფორვარდი ლაუტარო მარტინესი (სავარაუდო ღირებულება 75-დან 80 მილიონ ევრომდე გაიზარდა) და მილანის ფორვარდი რაფაელ ლეაუ (სავარაუდო ღირებულება 85-დან 80 მილიონ ევრომდე შემცირდა).

ხუთეულს დუშან ვლახოვიჩი ხურავს, რომელიც ახლა 80-ის ნაცვლად 75 მილიონ ევროდ არის შეფასებული.

The post სერია A-ს ყველაზე ძვირადღირებული ფეხბურთელები appeared first on intermilano.ge.

ლეგენდარულმა ჯუზეპე ბერგომიმ Sky Calcio Club-ის მიმდინარეობისას ხვიჩა კვარაცხელიაზე ისაუბრა, რომელმაც ბერგამოს „ატალანტას“ ფანტასტიკური გოლი გაუტანა.

კვარაცხელიას მიერ „ატალანტასთან“ გატანილი გოლი ლამაზი იყო, ერთ-ერთი საუკეთესო, რაც ბოლო წლებში მინახავს. მეც წავიქცეოდი, მისი შეჩერება რომ მეცადა. კვარა შენს დროს იპარავს. ჩვენ ყველანი მის ცრუ მოძრაობებზე მიჯაჭვულნი ვართ. ის ძალიან კარგი იყო.

ჯუზეპე ბერგომი

თუ ჩვენ მცველთა დამოკიდებულებაში შეცდომის პოვნა გვინდა, ჩემი ყოფილი მწვრთნელის სიტყვები გავიხსენოთ, რომელმაც მითხრა, რომ მცველმა თავისი ნომერი მეტოქის ფეხბურთელს არ უნდა აჩვენოს, ზურგი არ უნდა შეაქციოს.

ჯუზეპე ბერგომი

კვარაცხელიას ძალიან სწრაფი დრიბლინგი აქვს კაკას მსგავსად? თუ ჩვენ შედარებებს ვაკეთებთ, მე ვიტყვი, რომ ფენომენი რონალდო აკეთებდა ასეთ რაღაცებს.

ჯუზეპე ბერგომი

The post ბერგომიმ ხვიჩა კვარაცხელიაზე ისაუბრა appeared first on intermilano.ge.