„ინტერის“ მთავარმა მწვრთნელმა კრისტიან კივუმ სერია A-ს „კალიარისთან“ გამარჯვების (2:0) შემდეგ კომენტარი გააკეთა. „ნერაძურიმ“ სამი ქულა ლაუტარო მარტინესისა და ფრანჩესკო პიო ესპოზიტოს მიერ მე-9 და 82-ე წუთებზე გატანილი გოლების წყალობით მოიპოვა.

კალიარიმ ტაქტიკური ცვლილებით ცოტა გაგვაკვირვა, თუმცა ჩვენი პრინციპები იგივე დარჩა და ადრეული გოლის გატანაც შევძელით. უფრო ადრე გვქონდა შესაძლებლობა, რომ ლიდერობა კიდევ უფრო გაგვემტკიცებინა, მაგრამ მომენტები ვერ გამოვიყენეთ და მეტოქეს ცოტა იმედი მივეცით. საბედნიეროდ, საბოლოოდ მოვახერხეთ გამარჯვება და ბედნიერი ვარ.

ხუთი ტურის შემდეგ ინტერს 9 ქულა აქვს და ამჟამად სატურნირო ცხრილში მეხუთე ადგილზე იმყოფება.

The post კივუმ ინტერის ზედიზედ მესამე გამარჯვებაზე კომენტარი გააკეთა appeared first on intermilano.ge.

„ინტერმა“ მთავარ მწვრთნელად კრისტიან ჩივუს დანიშვნის შესახებ განაცხადა.

44 წლის რუმინელმა სპეციალისტმა კონტრაქტი 2027 წლის ზაფხულამდე გააფორმა.

„კრისტიან კივუ თავისი ისტორიის მესამე თავს „ნერაძურისთან“ ერთად იწყებს. ამას აკეთებს იმ ღირებულებებით, რომლებიც ყოველთვის ხელმძღვანელობდა მას: ერთგულება, თავგანწირვა და დაუღალავი შრომის ეთიკა“, – ნათქვამია მილანური კლუბის განცხადებაში.

კივუ „პარმაში“ 2025 წლის თებერვლიდან მუშაობდა. მისი ხელმძღვანელობით გუნდმა სერია A-ში 13 მატჩი ჩაატარა, 3 მოიგო, 7-ჯერ ფრედ ითამაშა და 3 წააგო. სპეციალისტი ასევე 2018 წლიდან 2024 წლამდე სხვადასხვა ასაკობრივი ჯგუფის „ინტერის“ გუნდებს წვრთნიდა.

2007 წლიდან 2014 წლამდე კივუ „ინტერში“ ფეხბურთელის რანგში თამაშობდა. მან გუნდში 169 მატჩი ჩაატარა, 3 გოლი გაიტანა და 8 საგოლე გადაცემა გააკეთა. „ინტერთან“ ერთად რუმინელი სამჯერ გახდა იტალიის ჩემპიონი, ორჯერ მოიგო იტალიის თასი და ერთხელ ჩემპიონთა ლიგა.

The post კრისტიან კივუ ინტერის ახალი მთავარი მწვრთნელია appeared first on intermilano.ge.

ვულოცავ მას ყველა კარგ შედეგს. ვფიქრობ, ის დიდი მწვრთნელი გახდება. მე ასევე ვუთხარი, რომ ჩემი ოცნება იყო თამაში და ინტერის მწვრთნელობა. მე არ გამომივიდა, ვფიქრობ, მას ეს შეუძლია. სერიოზული ტექნიკოსია, ვულოცავ. როცა ინტერის პრიმავერას მწვრთნელად მოდიხარ, ეს იმიტომ კი არ ხდება, რომ კივუ გქვია და ჩემპიონთა ლიგა მოიგე, არამედ იმიტომ, რომ მწვრთნელის ღირსი ხარ.

ვიქტორ პიტურკა

The post ვიქტორ პიტურკამ პრიმავერას მწვრთნელის კრისტიან კივუს მომავალზე ისაუბრა appeared first on intermilano.ge.